स्याङ्जा १९ मंसिर । मुक्तिनाथ विकास बैंक लिमिटेड जिल्ला प्रहरी कार्यालय स्याङ्जालाई ५० इन्चको एउटा रंगिन टेलिभिजन उपलब्ध गराएको छ ।
बैंकले सामाजिक उत्तरदायित्व कार्यक्रम अन्र्तगत टेलिभिजन उपलब्ध गराएको हो । टेलिभिजन प्रदान गर्दै बैंकका सञ्चालक भरतप्रसाद लम्सालले प्रहरी कार्यालयका लागि टेलिभिजनको आवश्यकता महसुसगरि उपलब्ध गराएको बताउनुभयो ।
कार्यालयमा आउने जो कोहीले पनि प्रतिक्षालयमा बसेर सूचनामूलक श्रब्यदृश्य सामाग्री हेर्न र सुन्न पाउनेगरि सेवाग्राहीलाई सहयोग पुग्ने उहाको भनाई छ । उपलब्ध सो टेलिभिजन सेवाग्राहीकालागि प्रतिक्षालयमा राखिने भएको छ ।
सोही कार्यक्रममा प्रहरी उपरीक्षक दधिराम न्यौपानेले सहयोगप्रति बैंकलाई धन्यवाद ब्यक्त गर्दै मनकारी संस्थाका सहयोगले कार्यालयलाई थप हौसला बढाएको बताउनुभयो ।
कार्यक्रममा बैकका क्षेत्रीय निर्देशक ऋषिराम ढकाल र प्रहरी निरीक्षक सागर कार्कीले बैंकले सामाजिक उत्तरदायित्व कार्यक्रम अन्र्तगत बिबिध सेवा उपलब्ध गराउदै आएकोमा जोड दिनुभयो ।