स्याङ्जा ४ चैत । च्याम्बर अफ कमर्श वालिङ्द्धारा जारी प्रथम पिंक सिटी महोत्सवमा आयोजित पालिकास्तरीय भलिवल प्रतियोगिताको उपाधी गल्याङ् नगरपालिकाले जितेको छ ।
गत सोमबारदेखि जारीे प्रतियोगिताको फाईनल खेलमा गल्याङले बिरुवा गाउँपालिकालाई ३ – २ को सेटमा पराजित गर्दे उपाधी जितेको हो ।
उपाधिसंगै गल्याङले १ लाख ५५ हजार नगद सहित शिल्ड, मेडल र प्रमाणपत्र पाएको छ। यसैगरी,उपविजेता बिरुवाले पनि शिल्ड, मेडल र प्रमाणपत्रसहित १ लाख ५ हजार नगद पाएको छ ।
आइतवार साँझ सम्पन्न खेलमा गल्याङ्ले बिरुवालाई क्रमशः २५ – २०, २५ – २१, २१ – २५, १७ – २५ र १५ – ९ अंक ल्याई प्रथम बनेको हो । सोही प्रतियोगितामा भीरकोट नगरपालिकाले वालिङ् नगरपालिकालाई ३ – १ को सेटमा पराजित गर्दै तेस्रो बनेको छ ।
भीरकोटले पनि वालिङ्लाई २५ – १५, २५ – २२, १८ – २५ र २५ – २२ पाई तेस्रो स्थानमा रहन सफल भएको हो ।
प्रतियोगितामा तेस्रो बनेको भीरकोटले ५५ हजार र सान्त्वना बनेको वालिङ्ले ३० हजार नगदसहित शिल्ड, मेडल र प्रमाणपत्र पाएका छन् ।
प्रतियोगिता अवधिभर सर्वोत्कृष्ट खेलाडी उमेश सेन्चुरी (गल्याङ), उत्कृष्ट सेटर सुपेन्द्र परियार (गल्याङ), उत्कृष्ट स्पाइकर धन बहादुर भट्ट (वालिङ्), उत्कृष्ट सर्भर विष्णु बस्नेत (वालिङ्), उत्कृष्ट मिडल ब्लकर याम क्षेत्री (बिरुवा), र उत्कृष्ट डिफेन्डर जीतबहादुर सार्की (भीरकोट) लाई नगदसहित ट्रफीले पुरस्कृत गरिएको छ ।
वालिङ् खेलमैदानमा भएको प्रतियोगितामा भीरकोट नगरपालिका सहित वालिङ्, चापाकोट, गल्याङ, र बिरुवा गाउँपालिका सहित कालीगण्डकीगरि ६ पालिकाबाट सहभागि भएको आयोजक च्याम्बर अफ कमर्शका अध्यक्ष प्रकाश न्यौपाने (किरण) ले जानकारी दिनुभयो ।