स्याङ्जा ३० बैशाख । जीवन बाटिका नेपाल स्याङ्जाको आयोजना, सामाजिक विकास तथा युवा खेलकुद मन्त्रालयको आर्थिक सहयोग तथा फेदिखोला गाउपालिकाको समन्वयमा लागु औषध दुब्र्यसन बिरुद्ध मंगलबार सचेतना तथा परामर्श कार्यक्रम गरिएको छ ।
बिद्यार्थी सहित युवाहरुमा लागु औषध दुब्र्यसनप्रति निरुत्साहित बनाउने उदेश्यले सचेतना सहितको परामर्श कार्यक्रम गरिएको हो ।
सचेतना कार्यक्रमको उदघाटन गर्दै गाउँपालिकाका अध्यक्ष घनश्याम सुवेदीले प्रदेश सरकार, स्थानीय सरकार र स्थानीय संस्थाबीचको सहकार्य र समन्वयमा संचालित कार्यक्रमले युवा तथा बालबालिकामा सकारात्मक प्रभाव परेको बताउनुभयो ।
सहभागिले तालिममा सिकेका कुरालाई पहिला आफु, त्यसपछि परिवार अनि समाजका जानकारी गराउनु पर्नेमा जोड दिनुभयो । गाउपालिकाले यस्ता सचेतनामूलक कार्यक्रमलाई निती, कार्यक्रम र बजेटमा समावेश गर्दे आएको जनाउदै आगामी दिनमा समेत निरन्तरता दिईने बताउनुभयो ।
पालिकाले लागु औषध, दुब्र्यसन, यसबाट पर्ने असरका बारेमा पाठयक्रममा समावेशगरि बिद्यालयमा अध्ययन अध्यापन गराउदै आएको उहाले जानकारी गराउनुभयो । लागु औषध र दुब्र्यसन जस्ता कुलतमा फस्न नदिनेगरि पालिकाले सचेतना सम्बन्धी कार्यक्रमलाई बिगतदेखि हालसम्म निरन्तरता दिदै आएको जानकारी गराउनुभयो ।
कार्यक्रममा गाउँपालिकाका उपाध्यक्ष देउकुमारी गुरुङ, वडा नं. २ का अध्यक्ष अभिलाश गुरुङ, गण्डकी प्रदेश सामाजिक विकास तथा युवा खेलकुद मन्त्रालयका शाखा अधिकृत द्धय पुष्पा रायमाझी र रिता लम्सालले लागु औषध तथा दुब्र्यसनको लतमा फस्न सक्ने उमेरलाई लक्षित गर्दै संचालन गरिएको सचेतना मूलक कार्यक्रमले घर, परिवार र समाजमा पार्ने सकारात्मक प्रभावका बारेमा जानकारी गराउनुभएको थियो ।
कार्यक्रममा सहभागि मध्ये शिक्षक शोभाकान्त शर्मा, बिद्यार्थी द्धय सुरज बिष्ट र सृष्टि भित्रकोटी लगायतले आ आफना धारणा सहित फलदायी र उपलब्धीमूलक कार्यक्रम भएकोमा जोड दिनुभयो ।
जीवन बाटिका नेपाल स्याङ्जाका अध्यक्ष समिर गुरुङको अध्यक्षतामा सम्पन्न कार्यक्रममासंस्थापक अध्यक्ष नविन अर्यालले धन्यवाद एवं स्याङजा रेडियो तथा टेलिभिजनका प्रमुख ब्यवस्थापक रमेश गोदारले संचालन गर्नुभएको थियो ।
कार्यक्रममा अध्यक्ष समिर गुरुङ् र प्रशिक्षक रुमा प्रधानले प्रशिक्षण दिनुभएको थियो । उहाले नेपाल सहित जिल्लाका अवस्था, लागुऔषध दुब्र्यसनबाट हुने असर र यसबाट जोगिने उपायका बारेमा जानकारी गराउनुभएको थियो ।
सचेतनामूलक कार्यक्रममा फेदिखोला गाउपालिकाका १० वटा बिद्यालयबाट झण्डै १ सय ५० जना बिद्यार्थी सहित शिक्षक, सुरक्षाकर्मी, कर्मचारी लगायतको सहभागिता थियो ।
