स्याङ्जा १८ मंसिर । पुतलीबजार नगरपालिका ४ मा फलफुल तथा तरकारी नर्सरी ब्यवस्थापन सम्बन्धी ३ दिने तालिम बिहीबारदेखि सुरु भएकोे छ ।
बेलघारी अठासी खानेपानी तथा सरसफाई परियोजना अन्र्तगत पुतलीबजार नगरपालिका र युनिका फाउन्डेसन, दि नेदरल्याण्ड्सको सहयोग तथा नेपाल रेडक्रस सोसाइटी कास्की शाखाको आयोजनामा भएको तालिमको नगरप्रमुख तुलसीराम रेग्मीले उदघाटन गर्नुभयो ।
तालिमले किसानहरूको क्षमता र दक्षता विकास भई उत्पादनमा वृद्धि हुने प्रमुख रेग्मीको भनाई छ । तालिममा सिकेका सीपलाई ब्यवहारमा लागुगरि आफना साथीसंगी र समाजलाई पनि सिकाउन आग्रह गर्नुभयो ।
तरकारी तथा फलफूल उत्पादन बढाउने बहानामा बिभिन्न प्रकारका रशायन पदार्थ मिलाउने गरेको सुन्नु परेको अवस्थामा यस्ता तालिमबाट अर्गानिक तरकारी र फलफूल उत्पादन बढाउन सकिने प्रमुख रेग्मीले बताउनुभयो ।
कार्यक्रममा सोही वडासदस्य पृथ्वीप्रसाद पोखरेल कास्की रेडक्रसमा सभापति उर्मिला खड्का, लगायत कल्पना ज्ञवाली, सूर्यप्रसाद सुवेदी, दिपकनाथ भण्डारी, पुतलीबजार नगरपालिका कृषि शाखाका प्रमुख सुष्मा पनेरु, निशा बस्याल लगायत स्थानीय किसानहरू सहभागी थिए ।
बेलघारी अठासी खानेपानी तथा सरसर्फा परियोजनाका अध्यक्ष भरत थापाको अध्यक्षतामा सम्पन्न भएको थियो ।