स्याङ्जा ४ चैत । पुतलीबजार नगरपालिका वडा न. ५ स्थित पौवेगौडेमा अस्थायी प्रहरी चौकीको स्थापना गरिएको छ ।
स्याङ्जाको पौवेगौडे, टक्सार र ठूलाडिही, कास्कीको भरतपोखरी, निर्मलपोखरी र क्रिस्ति तथा तनहुको शुक्लागण्डकी नगरपालिको बाबियाडांष, लामागाउँ समेतका स्थानीय जनतालाई सेवा पुरयाउने उदेश्यले अस्थायी प्रहरी चौकी स्थापना गरिएको हो ।
प्रहरी चौकीको उदघाटन गर्दै सांसद राजु थापाले गण्डकी प्रदेशमा स्याङजा, कास्की र तनहुका सर्वसाधारण जनताले सेवा पाउनेगरी चौकी स्थापना गरिएको र यस क्षेत्रका शान्ति सुरक्षा र अमनचैन स्थापनामा स्थानीय जनताको पनि सहयोग आवश्यक भएको बताउनुभयो ।
वडाअध्यक्ष अर्जुन कार्कीको अध्यक्षतामा सम्पन्न कार्यक्रममा जिल्ला समन्वय समितिका उपप्रमुख खडगराज सुवेदी, प्रजिअ सुनिता नेपाल, प्रहरी प्रमुख शालिकराम शर्मा लगायतले प्रहरी चौकी स्थापनापछि यो क्षेत्र मदिरा, लागु पदार्थको दुब्र्यसनमुक्त क्षेत्र हुनेमा विश्वस्त रहेको बताउनुभयो ।
पुतलीबजार नगरपालिका वडा न. ५ ले प्रहरीका लागि एक थान मोटरसाइकल र आवश्यक बन्दोबस्तीका सामान उपलब्ध गराएको बडाअध्यक्ष अर्जुन कार्कीले जानकारी दिनुभयो ।
सोही कार्यक्रममा स्थानीय समाजसेवी शैलेन्द्रजंग काकीले प्रहरीका लागि आवश्यक पर्ने इन्धनका लागि मासिक एक÷एक हजार रुपैया उपलब्ध गराउने प्रतिबद्धता जनाउनुभयो । उहाले सोही अवसरमा एकमुष्ट नगद ५ हजार रुपैया प्रदान गर्नुभएको थियो ।
प्रहरी चौकी स्थापनाका लागि नागरिक समाज स्याङ्जाका अध्यक्ष तथा प्रेस स्वतन्त्रता सेनानी ओमप्रकाश शर्मा र समाजसेवी शैलेन्द्रजंग कार्कीले सहजीकरण गर्नुभएको थियो ।