स्याङजा ८ साउन । गण्डकी प्रदेश सरकारको आर्थिक तथा प्राबिधिक सहयोगमा निर्माण कार्य पूरा गरिएको पौवेखोला पुल उदघाटनको तिथि तोकेर पत्राचार गरिएपछि विवादमा परेको छ ।
पूर्वाधार विकास कार्यालय स्याङ्जाले शनिवार साउन १० गते पुल उदघाटनको कार्यक्रमराखी पत्राचार गरेको छ । उक्त पुल उदघाटनका लागि गण्डकी प्रदेश सरकारका पूर्वाधार विकास तथा यातायात ब्यवस्था मन्त्री प्रकाशबहादुर केसीले उदघाटन गर्ने जानकारी पूर्वाधार विकास कार्यालय स्याङ्जाका प्रमुख दयाराम अधिकारीद्धारा हस्ताक्षरित पत्रमा उल्लेख छ ।
तर, पुतलीबजार नगरपालिका वडा नं. ५ का अध्यक्ष अर्जुनकुमार कार्कीले पूर्वाधार विकास कार्यालयलाई जवाफी पत्र लेख्दै वडा कार्यालयसंग कुनै समन्वय नै नगरी एकतफीरुपमा उदघाटन कार्यक्रम राखिएकोमा आपत्ति प्रकट गरेका छन । वडाका कुनै पनि जनप्रतिनिधि उत्त कार्यक्रममा सहभागी नहुनृ उनले पत्रमा उल्लेख गर्नुभएको छ ।
पुतलीबजार नगरपालिका वडा नं. ५ लाई, संघ, प्रदेश र स्थानीय सरकारबाट उपेक्षा गरिएको बताउदै अध्यक्ष कार्कीले भन्नुभयो, “यस्तो पूर्वाग्रही सरकारका कुनै पनि कार्यक्रममा वडाका जनप्रतिनिधि र सर्वसाधारणको सहभागिता हुदैन।”
पुतलीबजार नगरपालिका, गण्डकी प्रदेश र संघीय सरकार समक्ष नागरिकका अत्यावश्यक समस्या समाधानका लागि योजना माग गरेकोमा कुनै पनि सरकारले आफनो वडाको जनताका माग संबोधन हुनेगरी योजना नदिएको गुनासो पनि अध्यक्ष कार्कीको छ ।