स्याङ्जा, १६ कातिक । पुतलीबजार नगरपालिका १ मा स्थापित रोयल बचत तथा ऋण सहकारी संस्था लिमिटेडले पत्रकार श्रीकृष्ण सिग्देललाई सम्मान गरेको छ ।
सहकारीको २४ औं साधारणसभाको अवसर पारेर कार्तिक १४ गते शुक्रवार सम्मान गरेको हो । सहकारीका अध्यक्ष बिष्णुप्रसाद पोखरेल, मुक्तिनाथ कृषि कम्पनीका अध्यक्ष सीताराम काफले, पूर्वअध्यक्ष भरतराज ढकाल, मुक्तिनाथ विकास बैंकका संचालक सदस्य भरतप्रसाद लम्सालले सम्मान गर्नुभएको हो ।
सहकारीका क्षेत्रमा कलम चलाएको भन्दै रोयल सहकारीले पत्रकार सिग्देललाई नगद सहित सम्मानित गरेको छ । अर्जुनचौपारी गाउँपालिकामा जन्मनु भएका उहा झण्डै २५ बर्षदेखि पत्रकारिता क्षेत्रमा सक्रिय हुनुहुहुन्छ् । सगरमाथा टेलिभिजन, राजधानी दैनिक, पब्लिक आवाज लगायतका सञ्चारमाध्यममा आबद्ध हुनुहुन्छ उहा ।
पत्रकार महासंघ गण्डकी प्रदेशका सदस्य उहा पत्रकार महासंघ स्याङ्जाका निवर्तमान अध्यक्ष पनि हो । रोयल सहकारीले सहकारीका क्षेत्रमा कलम चलाउने एक पत्रकारलाई बार्षिक सभामा सम्मान गर्दै आएको छ ।