स्याङ्जा १ कात्तिक । पुतलीबजार नगरपालिका वडा नं. ४ मा पशु स्वास्थ्य शिविर गरिएको छ । पुतलीबजार नगरपालिका पशु सेवा शाखाको आयोजनामा गणेशपुर स्वास्थ्य चौकी प्राङ्गणमा निशुल्क पशु स्वास्थ्य शिविर गरिएको हो ।
स्वस्थ्य पशुपंक्षी, स्वस्थ जीवन, समुन्नत पुतलीबजार भन्ने मूल नाराका साथ गरिएको शिविरको उदघाटन गर्दै पशुपंक्षीको उचित स्याहार, संभारसंगै उचित खानपान र स्वास्थ्यको ख्याल गर्नु पर्ने बताउनुभयो । पशुपंक्षीबाट राम्रो लाभ लिन सकिने बताउदै स्वस्थ्य पशुपंक्षी पालनका लागि आवश्यकता बमोजिम स्वास्थ्य परिक्षण र नियमित रेखदेख गर्नुपर्नेमा जोड दिनुभयो । ।
नगरपालिकाले किसानको हितमा बिभिन्न खालका कार्यक्रमहरु गर्दै आईरहेको जनाउदै यसबाट लाभ लिन समेत प्रमुख रेग्मीले आग्रह गर्नुभयो । शिविरमा आएका किसानलाई नगरप्रमुख रेग्मीले औषधी समेत प्रदान गर्नुभएको थियो । सोही कार्यक्रममा वडा सदस्यहरु पृथ्वीप्रसाद पोखरेल, मीना परियार लगायतले शुभकामना मन्तब्य सहित वडामा पालिएका पशुपंक्षीहरुको स्वास्थ्यप्रति ध्यान दिदै स्वस्थ्य एवं दुधालु बनाउने उदेश्यले शिविर आयोजना गरिएको बताए ।
शिविरमा भेटनरी अस्पताल तथा पशु सेवा बिज्ञ केन्द स्याङ्जा र पुतलीबजार नगरपालिकाका पशु सेवा शाखाका प्राबिधिकहरुले पशुपंक्षीको स्वास्थ्य परीक्षण गरेका थिए ।
कार्यवाहक अध्यक्ष लीलाबती पौडेलको अध्यक्षताा सम्पन्न कार्यक्रममा पशु सेवा शाखा प्रमुख पुष्पराज अधिकारीले शिविरको उदेश्यका बारेमा जानकारी गराएका थिए भने प्राबिधिक युवराज मरासिनीले कार्यक्रम संचालन गर्नुभएको थियो ।