स्याङ्जा २७ बैशाख । पुतलीबजार नगरपालिका १४ लामागे स्थित पाणिनी सस्कृत गुरुकुलमको बार्षिकोत्सव तथा स्थापना दिवस शनिवार मनाइएको छ ।
समाजसेवी तथा गुरुकुलमका उपाध्यक्ष लोकनाथ रेग्मीले सबेैको साथ र सहयोग गरेर यहा स्थापित गुरुकुलको संरक्षण गर्नुपर्नेमा जोड दिनुभयो ।
कार्यक्रममा उपाध्यक्ष चिन्तु गिरी, अभिभावक संघका अध्यक्ष गोबिन्द शर्मा, सहसचिव अमृत लामिछाने, पाणिनी आश्रमका कार्यवाहक अध्यक्ष चुडामणी शर्मा लगायतले शुभकामना मन्तब्य ब्यक्त गर्नुभएको थियो ।
सोही कार्यक्रममा प्रधानाध्यापक देवीसरा अर्यालले गुरुकुलमका आयब्यय तथा गतिबिधिका बारेमा जानकारी गराउनु भएको थियो ।
पाणिनी संस्कृत गुरुकुलमका अध्यक्ष दिनबन्धु पौडेलको अध्यक्षतामा सम्पन्न कार्यक्रममा शिक्षक नरेन्द्र न्यौपानेले स्वागत, शिक्षक तेजबहादुर क्षेत्रीले धन्यवाद एवं संचालन शिक्षक नवराज ढकालले संचालन गर्नुभएको थियो । कक्षा ६ देखि ८ सम्म पढाईने हुने गर्दछ ।
सोही कार्यक्रममा गुरुकुलममा अध्ययरत बटुकहरुद्धारा बिभिन्न कबिता, गीत तथा अन्य रचना वाचन गर्नुभएको थियो ।
यसैगरी, पुतलीबजार नगरपालिका वडा नं. ५ समिडाडाचौर निवासी गगनबहादुर खत्री, इन्द्रबहादुर खत्री, रामबहादुर खत्रीले स्वर्गिय पिता तुलबहादुर खत्रीको पुण्यतिथीको अवसर पारेर पाणिनी संस्कृत गुरुकुलमका बटुक तथा गुरुहरुलाई २५ सेट पोशाक उपलब्ध गराउनुभएको थियो ।