स्याङ्जा ५ मंसिर । विश्व बालदिवसको अवसर पारेर स्याङ्जामा बालबालिकाका समूह बीच भएको पञ्चेबाजा प्रतियोगितामा कालीगण्डकी गाउँपालिकाको जनता मावि प्रथम भएको भएको छ । दोश्रो पटक भएको यो प्रतियोगितामा गतबर्ष पनि कालीगण्डकी नै प्रथम भएको थियो ।
आँधीखोला गाउपालिका स्थित जनहित मावि द्धितीय र पुतलीबजार नगरपालिका स्थित लामागे पञ्चेबाजा समूह तृतीय र पुतलीबजार नागडाँडा स्थित सरस्वती मावि सान्त्वना भएका छन् । उद्योग तथा पर्यटन मन्त्रालय र सामाजिक विकास, युवा तथा खेलकूद मन्त्रालय एकीकृत सेवा कार्यालय स्याङ्जाको आयोजनामा आयोजित प्रतियोगितामा पालिकागत बालबालिकाका ८ समूह सहभागि थिए ।
बिजयी समूहलाई गण्डकी प्रदेश सांसद तथा सार्वजनिक लेखा समितिका संयोजक सुधिर पौडेल, उद्योग तथा पर्यटन र सामाजिक विकास, एकीकृत सेवा कार्यालय प्रमुख जीवन पौडेलले नगद सहित प्रमाणपत्र प्रदान गर्नुभएको छ ।
कार्यक्रममा बोल्दै सांसद पौडेलले कला र संस्कृतिको संरक्षणसंगै पुस्तातरणका लागि यस्ता कार्यक्रम प्रभावकारी बन्ने बताउनुभया । जुन मुलुकमा कला र संस्कृतिको सम्मान हुन्छ त्यस मुलुकको विकास र समृद्धि पनि उच्च र जीवन्त रहने बताउनुभयो ।
‘राष्ट्रको बिखण्डन गर्नुछ भने सबेै भन्दा पहिला कला, सस्कृतिमा प्रहार हुन्छ । अहिले मुलुकलाई बिखण्डनतर्फ लगिदैछ । हाम्रा कला, संस्कृतिमा प्रहार भएको छ । राजनीतिक अधिकार खोसिदैछ । राजनीतिक ब्यवस्था ठिक भएका बेला धेरै अधिकार प्राप्त भएको थियो । अहिले राजनीतिक अवस्था ठिक ठाउमा छैंन । बालअधिकार मिचिएको छ । हाम्रा अधिकार खुम्चिएको छ ।’ उहाले भन्नुभयो ।
गणतन्त्र प्राप्तिसंगै हामीले पाएको संबिधान मिचिएको जनाउनुभयो । संंबिधानको संरक्षण र पालना नभएसम्म हाम्रा बालअधिकार सहित मानवअधिकारको सुनिश्चितता नहुने जनाउदै राजनीतिक दललाई नियन्त्रण गर्ने कामले कसैको पनि अधिकार उपयोग हुनै नसक्ने दावी गर्नुभयो ।
चुनावको मिति तोकेको सरकारले ढुक्कसंग मतदान गर्ने अवस्था नरहेको दावी गर्नुभयोे । राजनीतिक अधिकार हनन् भएका बेला बालअधिकारसंगै सबैका अधिकार हनन हुनेमा जोड दिनुभयो । जेलबाट भागेका एक कैदीले एक रातमा ३ वटा मोटरसाइकल चोरेर डिडेको छ । तर, उसलाई पक्राउ गर्न सकेको छैंन भने कुन आधारमा टेकेर चुनाव होला, कस्तो चुनाव होल उनको प्रश्न थियो । शान्ति सुरक्षा कायम गर्दै भयरहित वातावरण बनाउन समेत सरकारलाई सांसद पौडेलको आग्रह छ ।
आयोजक कार्यालयका प्रमुख जीवन पौडेलले बाल अधिकार सहित बालबालिकाको आवाजलाई गायन र पञ्चेबाजाको संगित मार्फत् थप बुलन्द बनाउन र बालबालिकामा रहेको अन्तरनिहित प्रतिभा प्रस्फुटनमा गराउने उद्धेश्यले कार्यक्रम आयोजना गरिएको जानकारी गराउनुभयो ।
कार्यक्रममा भूतपूर्व सैनिक आवासिय मावि ब्यवस्थापन समितिका अध्यक्ष सुवेदार कृष्णमान प्रधान, नगर शिक्षा समिति सदस्य मुक्तिप्रसाद रेग्मी, गण्डकी प्रदेश बाल परिषद अध्यक्ष अध्यक्ष सन्दीप चापागाइले बालअधिकार र वालबालिका लक्षित सृजनशिल प्रतियोगिताको प्रशंसा गर्दै सबैका हक, हित र अधिकार कार्यान्वयनका निम्ति राज्य र सरोकारवाला सबै निकायले आ आफना जिम्मेवारी पुरा गर्नुपर्नेमा जोड दिनुभयो ।
सोही कार्यक्रममा दोहोरी गायक, सर्जक लोेकनाथ सापकोटाले गीत गाउनु भएको थियो भने प्रतियोगिता निर्णायक समितिका संयोजक बुद्धिबहादुर परियारले प्रतियोगी बालबालिका आचारसंहिता सहित नियमका बारेमा जानकारी गराउनुभएको थियो ।
प्रतियोगितामा प्रथम, द्धितीय, तृतीय र सान्त्वना हुनेलाई क्रमशः १५ हजार, १० हजार, ७ हजार, ४ हजार सहित प्रमाणपत्र प्रदान गरिएको छ । यसैगरी, उत्कृष्ट सहनाई, ढोलकी र दमाह वादक क्रमश ः आदर्श सुनाम, राहुल परियार र कुशल परियारलाई नगद सहित पुरस्कृत गरिएको थियो ।
जिल्ला बाल संजालका अध्यक्ष सुजाता पौडेलको अध्यक्षतामा सम्पन्न कार्यक्रमको संचालन संचारकर्मी बिक्रम परियारले गर्नुभएको थियो ।