स्याङ्जा १७ चैत । पर्यटकीय गाउँ पञ्चमूलको खोरिया बस्तीमा खानेपानीको सुबिधा पुगेसंगेै यहाँका १२ घरधुरी खुशीले हर्षित भएका छन ।
करिब २ महिनादेखि आगनमा धारमाबाट पानी झारेर खान पाएपछि खोरियाबासीले आफुलाई पानीको जोहो गरिदिने गण्डकी प्रदेशका उर्जा, जलश्रोत तथा खानेपानी पुर्वमन्त्री सरस्वती अर्याललाई सम्झिए अनि उदघाटनका लागि बोलाउने चाजोपाजो मिलाए ।
यी सबै कामका लागि महिला नेतृ एवं पर्यटन ब्यवसायी उर्मिला गुरुङ्लाई खोरिया बस्तीले जिम्मेवारी दियो । अनि, पूर्वमन्त्री सोही स्थानमा पुगेर खानेपानी टंकी सहित धाराको उदघाटन गर्नुभयो । ‘धाराबाट पानी झरयो, प्रदेश सांसद समेत रहेका अर्यालले अंजुली भरेरे पानी पिउनुभयो ।’ खानेपानीको उदघाटन गरियो ।
आधीखोला गाउँपालिका १ पञ्चमूलमा रहेको खोरिया बस्तीमा अधिकांश दलितहरुको बसोवास छ । उचाईमा रहेको गाउँ र सधैभरी घमाइलो हुने भएकाले पानीका स्रोत भने प्रर्याप्त नभएको स्थानीयको भनाई छ ।
आफु मन्त्री हुदाँ स्थानीयबासीका माग र अत्यावश्यक पनि भएकाले खानेपानीको ब्यवस्था मिलाएको सांसद अर्यालको भनाई छ । पानी जीवन भएकाले सहिसदुपयोग र संरक्षण गर्न उनले सुझाव दिनुभयो ।
पानीको स्रोतहरु हराउदै जानु चिन्ताको बिषय भएको जनाउदै पुराना पानीका स्रोतको पहिचान गर्दैे स्रोत बढाउनु पर्नेमा सांसद अर्यालले जोड दिनुभयो । सबै नागरिक खानेपानीको पहुँचमा पुग्नु पर्ने आफनो अभियान मन्त्री हुदा पनि थियो र आज पनि सोही रहेको उहाले भन्नुभयो ।
सोही कार्यक्रममा आँधीखोला १ का वडासदस्य मोहदत्त ढकाल, नेपाली कांग्रेस महासमिति सदस्य तारा मल्ल, गण्डकी प्रदेश सदस्य उर्मिला गुरुङ, पञ्चमूल वडा सभापति एवं समाजसेवी नरबहादुर जिटी, खानेपानीका उपभोक्ता सुभाष विक, शान्ति विक, आमा समूहका अध्यक्ष ज्योती बिक लगायतले खानेपानीको अत्यन्तै दुख भएको स्थानमा खानेपानीको जोहो भएकोमा जोड दिनुभयो ।
घर आगनमै खानेपानीको धारा भएपछि महभीर तथा पल्लो गाउँमा पुगेर ल्याउनु पर्ने वाध्यता हटेको ज्योती विकले सुनाउनुभयो । पानी बोक्ने समय अव अन्न तथा पशुपालनतर्फ खर्चिने उहाले भन्नुभयो ।
खानेपानी टंकी २० हजार लिटर क्षमताको रहेको र १२ लाखको लागतमा निर्माण गरिएको निर्माणकर्ता युवराज गुरुङ्ले जानकारी दिनुभयो ।
