स्याङजा २० भदौ । १२ रबिउल औवल पैगम्बर मोहम्मद मुस्तफा सलल्लाहो अलैहे बस्सलमको १५०० औं जन्म जयन्तीको अवसर पारेर शुक्रवार स्याङजा बाडखोला मुस्लिम समाजले बहिरा बालबालिकाका लागि खाद्यान्न सहित नगद प्रदान गरेको छ ।
पुतलीबजार नगरपालिका ३ स्थित समाज र सोही वडामा रहेको चण्डीकालिका बहिरा आवासिय बिद्यालयमा आश्रित बालबालिकालाई लक्षि गर्दै मुस्लिम समाजले चामल, दाल, चिनी, चाउचाउ, बिस्कुट, तेल लगायतका खाद्या्रन्न सहयोग गरेको हो ।
पुतलीबजार बिज्ञ समितिका संयोजक एवं कांग्रेसका प्रवक्ता भरतप्रसाद लम्साल र समाजका अध्यक्ष अलि मिया (मुमु) लगायतका पदाधिकारीले खाद्यान्न सहित बिद्यालय ब्यवस्थापन समितिका अध्यक्ष अमिरबक्स मिया र प्रधानाध्यापक साबित्री शर्मालाई संयुक्तरुपमा हस्तान्तरण गर्नुभयो ।
इस्लाम धर्मालम्बीले नेपाल सहित आजका दिन विश्वभर मनाईदै आएको धर्म गुरुको जन्मजयन्तीको शुभकामना दिदै सामाजिक तथा मानव सेवा भन्दा अन्य ठूलो केही सेवा नहुने बताउनुभयो ।
सो कार्यक्रमका प्रमुख अतिथी समेत रहेका बिज्ञ संयोजक लम्सालले नगरपालिकाभित्र रहेको एक मात्र बहिरा बिद्यालयको भौतिक तथा शैक्षिक गुणस्तर बृद्धिका लागि आउदा दिनमा पनि आवश्यक सहयोग गर्नेैे बताउनुभयो ।
बहिरा बालबालिकाको उज्वल भविष्यका लागि सबैले आ आफनो क्षेत्रबाट सहयोग गर्नु पर्नेमा उहाले जोड दिनुभयो । सोही कार्यक्रममै संयोजक लम्सालले सोही बिद्यालयमा अध्ययरत बिद्यार्थीका लागि ५ हजार मूल्य बराबरको शैक्षिक सामाग्री समेत उपलब्ध गराउनुभयो ।
कार्यक्रममा गण्डकी प्रदेश मुस्लिम संघका सभापति शा मोहम्मद मिया, गण्डकी प्रदेश इत्तेहाज संगठनका अध्यक्ष शेर अलि, बाडखोला मुस्लिम समाजका निवर्तमान अध्यक्ष सैसुद्धिन मिया, सल्लाहकार अलि मोहम्मद, रेडियो स्याङ्जा टेलिभिजनका ब्यवस्थापक रमेश गोदार लगायतले शुभकामना सहित बहिरा बालबालिकाको शिक्षा, दिक्षा, लालनपालनमा सबैको ध्यान पुग्नु पर्नेमा जोड दिनुभयो ।
सोही कार्यक्रममा निवर्तमान अध्यक्ष सैसुद्धिन मिया र इत्तेहाजका अध्यक्ष शेर अलिले पनि जनही ५÷५ हजार नगद सहयोग प्रदान गर्नुभएको थियो ।
स्याङजा बाडखोला मुस्लिम समाजका अध्यक्ष अलि मिया (मुमु) को अध्यक्षतामा सम्पन्न कार्यक्रममा जनप्रतिनिधि एवं बिद्यालय ब्यवस्थापन समितिका अध्यक्ष अमिर वक्स मियाले बिद्यालयका गतिबिधि सहित स्वागत एवं सचिव अयूव मियाले संचालन गर्नुभएको थियो ।
विस २०६६ सालमा स्थापित पुतलीबजार नगरपालिका ३ स्थित बहिरा आमाविमा २६ जना बिद्यार्थी अध्ययरत छन् । बिद्यालय भवन निर्माणकालागि अमिरबक्स मिया, अलि मोहम्मद र बेलकुमारी शाहीले निशुल्क जग्गा उपलब्ध गराएपछि बिद्यालय सहित आवासिय भवन बनेको छ ।