स्याङजा ३ बैशाख । अपांगता सशक्तीकरण तथा सामुदायिक विकास केन्द्र नेपाल ले पहिलो वार्षिकोत्सब मनाएको छ ।
बार्षिकोत्सवको अवसरमा पारेर नयाँ बर्षको शुभकामना सहित भित्तेपात्रे विमोचन र जेष्ठ नागरिक सम्मान गरेको छ ।
अपांगता सशक्तीकरण तथा सामुदायिक विकास केन्द्रको आयोजना तथा दुर्गादेवी सामुदायिक सिकाई केन्द्रको समन्वय, पुतलीबजार नगरपालिका र सामाजिक विकास कार्यालयको सहकार्यमा सो कार्यक्रम गरिएका हुन ।
नयाँ बर्षको शुभकामनासंगैै क्यालेण्डर विमोचन गर्दै नगरप्रमुख तुलसीराम रेग्मीले संस्था स्थापनाको छोटोे समयमा नै संस्थाले आफ्नो उद्येश्य तथा लक्ष्य अनुरुप राम्रो काम गरेको बताउनुभयो । अपांगता भएका व्याक्तिहरुको क्षेत्रका अतिरिक्त समुदायमा आधारित समावेशी विकासको अवधारणा वमोजिम जेष्ठ नागरिक ,महिला लगायतको क्षेत्रमा समेत कार्य गर्नु ले यश संस्थाले वहुआयामिक गतिविधि गरेको जनाउदै आगामी दिनमा पनि सहकार्य गर्दै अघि बढ्ने बताउनुभयो ।
कार्यक्रममा नगर उपप्रमुख देवी अर्याल ,नगर प्रवक्ता मनोज पौडेल , वडा नं १ का अध्यक्ष उत्तमप्रसाद श्रेष्ठ , सदस्य विण्णुकुमार श्रेष्ठ , वरिष्ठ समाजसेवी खेमनारायण शर्मा ,स्याङ्जा अपाग समाजका अध्यक्ष राम शर्मा पोखरेल , दुर्गा देवी सामुदायिक सिकाई केन्द्र का उपाध्यक्ष लेखनाथ शर्मा ,स्याङ्जा दृष्टिविहिन संघका अध्यक्ष मुना अर्याल ,स्याङ्जा वहिरा संघका अध्यक्ष संजिव श्रेष्ठ लगायतले सबै सरोकारवाला संगको सहकार्यमा प्रभावकारी कार्य भएकोमा खुसी व्यक्त गर्नुभएको थियोे ।
सामाजिक विकास कार्यालय स्याङ्जाको सहकार्यमा संचालित जेष्ठ नागरिक दिवा सेवा केन्द्र का ३० जना जेष्ठ नागरिक हरुलाई सम्मान एवं व्याक्तिगत सरसफाइ सामाग्री प्रदान गरिएको छ । दन्त मंजन, नेलकटर ,मास्क, तेल, भेसलिन, सावुन लगायतका सरसफाइ सामाग्री प्रदान गरिएको थियोे ।
अपांगता सशक्तीकरण तथा सामुदायिक विकास केन्द्र नेपाल का अध्यक्ष युवराज पराजुली को अध्यक्षतामा सम्पन्न उक्त कार्यक्रमको संचालन सचिव नारायणप्रसाद रेग्मीले गर्नुभएको थियोे ।
अपांगता सशक्तीकरण तथा सामुदायिक विकास केन्द्र नेपाल गत २०८० चैत्र ३० गते जिल्ला प्रशासन कार्यालय स्याङ्जामा दर्ता भएको र संस्थाले १ वर्षको अवधिमा गरेका गतिविधिहरुका वारेमा अध्यक्ष पराजुलीले जानकारी गराउनुभएको थियो ।
अपांगता भएका व्याक्ति तथा अभिभावकहरुको सक्रियता स्थापना भई कृयाशिल रहेको संस्थाको मुख्य कार्यालय पुतलीबजार नगरपालिका वडा नं १, स्याङ्जामा छ ।
