स्याङ्जा १७ भदौ । नवआगन्तुक स्याङजा जिल्ला न्यायाधीश उपेन्द्रप्रसाद गौतम, जिल्ला न्यालयाधिवक्ता लालप्रसाद लामिछाने र सहायक जिल्ला न्यायाधिवक्ता प्रवेश गिरीलाई स्याङजा जिल्ला अदालत बार एशोसिएशनले मंगलबार स्वागत सहित परिचयात्मक कार्यक्रम गरेकोे छ ।
कार्यक्रममा बोल्दै जिल्ला न्यायाधीश गौतमले बार र बेन्चको संयुक्त प्रयासमा मात्रै न्याय प्रवाहमा सफलता मिल्ने बताउदै न्याय दिलाउन जहिले पनि क्रियाशील रहने बताउनुभयो । अभियोजनकर्ता सरकारी वकिल र प्रतिरक्षा गर्ने कानून व्यवसायी दुवै पक्षले सही ढंगले अभियोजन र प्रतिरक्षा गरी न्यायकर्तालाइ न्याय सम्पादन गर्ने कार्यमा सहयोग गरेको खण्डमा दोषीले सजायँ पाउने र निर्दोषीले सजायँ भोग्नु नपरी न्यायपूर्ण समाज निर्माण हुने कुरामा जोड दिनुभयो ।
बार एशोसिएशनका अध्यक्ष अधिवक्ता तुलसी गिरीको अध्यक्षतामा भएको कार्यक्रममा जिल्ला न्यायाधीश शरिता रायमाझी र नवआगन्तुक जिल्ला न्यायाधिवक्ता लामिछानेले शुभकामना मन्तब्य ब्यक्त गर्नुभएको थियो भने स्वागत मन्तब्य बारका उपाध्यक्ष संगिता नेपाली र संचालन सचिव अधिवक्ता युगनारायण श्रेष्ठले गर्नुभएको थियो ।