स्याङ्जा २१ साउन । संघीय सांसद राजु थापाले निर्माण ब्यवसायी विकासका संवाहक भएको बताउनु भएको छ ।
नेपाल लोकतान्त्रिक निर्माण ब्यवसायी संघ स्याङ्जाको प्रथम अधिवेशनको उदघाटन गर्दै राज्यको सहयोगी र विकासको साझेदारको रुपमा रहेका निर्माण यवसायी विकासको अंग मात्र होइन, लोकतन्त्रको रक्षक पनि भएको बताउनुभयो ।
संगठनका माध्यमबाट लोकतान्त्रिक प्रणालीलाई बलियो बनाउने र जनतासंग प्रत्यक्ष जोडिने माध्यम निर्माण ब्यवसाय भएकाले कानूनको तर्जुमा भएका अब्यावहारिक कानूनको संशोधनमा राज्य संवेदनशील हुनुपर्दछ सांसद थापाले जोड दिनुभयो ।
कार्यक्रममा गण्डकी प्रदेशसभाका पूर्व सदस्य भागवतप्रकाश मल्ल, महासंघका केन्द्रिय सदस्य खिमप्रकाश मल्ल, केन्द्रिय सहसंयोजक राजेन्द्र पहाडी, गण्डकी प्रदेश संयोजक सुरेश श्रेष्ठ, निर्माण ब्यवसायी संघ गण्डकीका अध्यक्ष टंक बराल, कांग्रेसका प्रवक्त भरतप्रसाद लम्साल लगायतले आआफना धारणा ब्यक्त गर्नुभएको थियो ।
यसैगरी, सोहीअधिवेशनले रामचन्द्र पौडेलको अध्यक्षतामा १९ सदस्यीय लोकतान्त्रिक निर्माण ब्यवसायी संघ निर्वाचित गरेको छ ।
समितिको उपाध्यक्ष द्धयमा जगत कोइराला र मनोज मल्ल, महासचिवमा गौरब प्रधान, उपमहासचिवमा भरत मल्ल, कोषाध्यक्षमा रमेशकुमार शर्मा लगायत निर्वाचित हुनु भएको छ ।
स्याङ्जा निर्माण ब्यवसायी संघका अध्यक्ष अर्जुनकुमार कार्कीको अध्यक्षतामा सम्पन्न कार्यक्रममा निर्माण ब्यवसायी रामचन्द्र पौडेलले स्वागत र बिष्णुप्रसाद पोखरेलले संचालन गर्नुभएको थियो ।