स्याङ्जा १९ माघ । नेपाल निजामती कर्मचारी संगठनको १५ औँ जिल्ला अधिवेसनले विष्णुप्रसाद काफ्लेको अध्यक्षतामा १९ सदस्यीय जिल्ला कार्यसमिति चयन गरेको छ ।
उपाध्यक्षमा रमेश विक र गंगा श्रेष्ठ, सचिवमा राजेश कुँवर, सहसचिवमा ढाकाराम मरासिनी, कोषाध्यक्षमा श्रीराम उपाध्यय रहनु भएको छ । सदस्यहरुमा अनिबहादुर बुढा, विवेक आचार्य, शंकर चापागाँई, दुर्गा शर्मा पौडेल, शुसिल थापा, सुष्मा आचार्य, पवित्रा ढकाल, गुनसिरी पुन आले, देवि बस्याल, घनश्याम पौडेल, धनञ्जय दोरंगा, सुभाष ढकाल, विद्या पराजुली खड्का रहनुभएको छ ।
अधिवेसनको उद्दघाटन गर्दै नेकपा एमालेका अध्यक्ष सुर्यप्रसाद गैह्रे पारसले सम्पुर्ण निजामती कर्मचारीहरुको हकहितका लागी स्थापित संगठन भएकाले नागरिकको सेवामा अनवरत रुपमा लाग्न आग्रह गर्नुभयो । निजामती कर्मचारीको सेवा प्रवाहले नै सेवा चुस्त दुरुस्त बन्ने बताउँदै सेवाग्राही तथा आम नागरिकका कामलाई नै कर्मचारीहरुले पहिलो प्राथामिकतामा राख्नुपर्ने बताउनुभयो ।
कार्यक्रममा संगठनका केन्द्रिय सदस्य तथा जिल्ला इन्र्चाज राजुप्रसाद मरासिनी, सल्लाहकार अशोक खनाल, आँधीखोला गाउँपालिकाका अध्यक्ष ताराचन्द्र ढकाल, पुर्व अध्यक्ष ख्यामनारायण अधिकारी लगायतले बोल्नुभएको थियो । संगठनका अध्यक्ष अमरबहादुर पराजुलीको अध्यक्षतामा सम्पन्न कार्यक्रममा उपाध्यक्ष विष्णुकुमारी ढकालले स्वागत एवं सचिव राजेश कुँवरले संचालन गर्नुभएको थियो ।
