स्याङ्जा ३० असार । सत्य श्री साईबाबाको एक सय बर्ष अवतरणको अवसर पारेर सोमबार स्याङ्जामा निबन्ध प्रतियोगिता सहित साईभजन र शुभकामना आदानप्रदान गरिएको छ । सबैलाई माया गर, सबैको सेवा गर भन्ने शिर्षकमा निबन्ध प्रतियोगिता गरिएको थियो ।
सत्य श्री साई केन्द्र गण्डकी प्रदेशको आयोजना र सत्य श्री साई केन्द्र स्याङ्जा ब्यवस्थापनमा गरिएको सो प्रतियोगितामा पुतलीबजार नगरपालिका १ स्थित त्रिभुवन आर्दश माध्यमिक बिद्यालयका शौरबी लम्साल प्रथम हुनु भएको छ । लम्साल प्रदेश स्तरीय निवन्ध प्रतियोगितामा पनि द्धितिय हुनु भएको हो ।
यसैगरी, पुलतीबजार ५ शितला माविका किस्मिता कार्की द्धितिय, पुतलीबजार ४ रामकोष फुलबारी र पुतलीबजार ९ कोल्मा बराहचौरका सामना गौतम र अग्रीता गुरुङ तृतीय हुनुभएको छ ।
यसैगरी, जिल्लामा प्रथम र गण्डकी प्रदेशमा द्धितिय हुन सफल भएकोमा लम्साल अध्ययरत बिद्यालय र प्रधानाध्यापक प्रेमप्रसाद पौडेललाई पनि सम्मानपत्रद्धारा सम्मान गरिएको छ ।
पुतलीबजार शाखामा आयोजित प्रतियोगितामा बिभिन्न बिद्यालयकागरि १८ जना छात्रछात्रा सहभागि थिए ।
उहाँहरु सबैलाई सत्य साई केन्द्र गण्डकी प्रदेश अध्यक्ष रंगनाथ रेग्मी, उपाध्यक्ष शम्भु कार्की, सेवा संयोजक सुवास साइराम, वेद संयोजक विवेक लामा, स्याङ्जाका अध्यक्ष सन्तोषी श्रेष्ठ र पूर्वअध्यक्ष राजकुमारी गुरुङले नगद सहित सम्मान पत्रद्धारा पुरस्कार प्रदान गर्नुभएको छ ।
पुरस्कार प्रदान गर्दै अध्यक्ष रेग्मीले मानवमूल्य जीवनको पहिचानका लागि आध्यामिक क्षेत्रको ज्ञान हुनु जरुरी रहेको बताउनुभयो । ब्यवस्त जीवनका केही समय आध्यामिकतातर्फ ध्यान दिन सकेमा मानसिक एवं शारीरिक स्वस्थ्यता प्राप्ती हुने उहाले भन्नुभयो ।
सोही कार्यक्रममा प्रधानाध्यापक प्रेमप्रसाद पौडेल, सत्य साई केन्द्रका पूर्वअध्यक्ष राजकुमारी गुरुङ लगायतले सत्य साई बाबाका अदभूत शक्तिका बारेमा चर्चा एवं जानकारी गराउनु भएको थियो ।
केन्द्रका अध्यक्ष सन्तोषी श्रेष्ठको अध्यक्षतामा सम्पन्न कार्यक्रमको संचालन प्रदेश महिला उपसंयोजक एवं सत्य साई केन्द्र वालिङ शाखाका बाल गुरु दुर्गा न्यौपानेले गर्नुभएको थियो ।
झण्डै एक महिनाअघि गरिएको प्रतियोगिताको कपी शिल गरेर प्रदेशमा पठाइएको र प्रदेशबाट मूल्यांकनगरि नतिजा पठाएपछि सोमबार पुरस्कृत एवं सम्मान गरिएको हो ।
