स्याङ्जा २२ पुस । पुतलीबजार नगरपालिका १ मा रहेको नवज्योति कृषि सहकारी संस्था लिमिटेडको ९ औं बाािर्षक साधारणसभा सम्पन्न भएको छ । सबैको सहभागी आत्मनिर्भरको माध्यम कृषि सहकारी भन्ने मुल नाराका साथ कृषि सहकारी तथा पशुधन सुरक्षणको साधारणसभा सहित अधिवेशन गरिएको हो ।
सभाको उदघाटन गर्दै कृषि विकास बैंक स्याङ्जा शाखाका प्रवन्धक डोलराज पाठकले कृषिका माध्यमबाट आर्थिक समृद्धि ल्याउन राज्यले सामान्य किसानमुखी भएर निती ल्याउनु पर्ने बताउनुभयो । ठुल्ठूला ब्यवासायी किसान लक्षित नभई तल्लो तहसम्मका किसानले समेत राज्यका सेवा सुबिधा उपभोग गर्न पाउनेगरी नीति ल्याउनु पर्नेमा बताउनुभयो । उहाले वाली सुरक्षण मार्फत बिमा गरेर राहत लिन समेत सुझाव दिनुभयो ।
कार्यक्रममा सहकारीका संस्थापक अध्यक्ष लीलबहादुर राना, कृषि अधिकृत गुरुप्रसाद अर्याल, पुतलीबजार नगरपालिका १३ का निवर्तमान अध्यक्ष ख्यामनारायण अधिकारी, राष्ट्रिय सहकारी बैंक पुतलीबजार शाखा प्रवन्धक फणिनारायण कोइराला दिपक, पुतलीबजार नगरपालिकाका नायब प्राबिधिक सहायक नविन कार्की, लगायतले शुभकामना मन्तब्य ब्यक्त गर्नुभएको थियो । सोही कार्यक्रममा अध्यक्ष ख्यामबहादुर गोदारले सहकारीका ७ सिद्धान्त सहित अध्यक्षको प्रतिवेदन, प्रवन्धक भूमिजंग केसीले कोषाध्यक्षको प्रतिवेदन र लेखा सुपरिवेक्षण समितिका संयोजक मोहनप्रसाद आचार्यले सुपरिक्षण प्रतिवेदन प्रस्तुत गर्नुभएको थियो ।
यसैबीच, संस्थामा निक्षेप संकलन तथा असल ग्राहक भन्दै पुतलीबजार नगरपालिका १ मा बस्ने डुलकुमारी कार्की र पशुधन सुरक्षण (बिमा) कार्यक्रममा सहभागी भै बिमा गर्ने पुतलीबजार १३ का मन्दिरा खराललाई सम्मान गरिएको थियो ।
सहकारीका अध्यक्ष गोदारको अध्यक्षतामा सम्पन्न कार्यक्रममा सदसय गेसबहादुर अधिकारीले स्वागत एवं सचिव गुरुप्रसाद ढकालले संचालन गर्नुभएको थियो । यसैगरी, सहकारीद्धारा संचालित पशुधन (विमा उपसमितिको पनि तेस्रो साधारणसभा तथा दोश्रो अधिवेशन सहित अन्र्तक्रिया गरिएको छ ।