स्याङुजा ६ चैत । स्याङ्जा सदरमुकाम वरपर बसोबास गर्ने मुस्लिम महिलाहरुका लागि लाछाको डोरी बनाउने तालिम सुरु गरिएकोे छ ।
सामाजिक विकास कार्यालय स्याङ्जाको आयोजना तथा पुतलीबजार नगरपालिका र बाडखोला मुस्लिम समाजको समन्वयमा मुस्लिम समुदायका महिलाहरुलाई लक्षित गर्दै तालिम दिइएको हो ।
दश दिने तालिमको उदघाटन गर्दै नगरउपप्रमुख देवी अर्यालले लक्षित समुदायका महिलाका लागि यस्ता तालिम प्रभावकारि बन्ने बताउनुभयो । तालिमलाई सहीसदुपयोग गर्दै आर्थिकोपार्जनमा जुट्न समेत सुझाव दिनुभयो । आर्थिक सशक्तिकरणसँगै पेशाप्रतिको व्यवसायिकतामा थप सहयोग पुग्नेमा उहाले विश्वास व्यक्त गर्नुभयो ।
कार्यालय प्रमुख जीवन पौडेलले यस समुदायले अंगाल्दै आएकोे परम्परागत सीपलाई प्रवद्र्धन एवं संरक्षणगरि व्यवसाय वृद्धि गर्ने लक्ष्य लिइएको बताउनुभयो । उहाँले सिकेको सिपलाई जीवन उपयोगी बनाउनुपर्ने बताउदैँ सिकान्तकृत नागरिकलाई सचेतना सँगै आर्थिक सशक्तीकरणकालागि कार्यालयले थप सहयोग गर्ने जानकारी दिनुभयो ।
कार्यक्रममा पुतलीबजार नगरपालिका १४ का सदस्य मुबारक मिया, ८ का वडाका सोमबहादूर नेपाली , हाजि अमिर बक्स मियाँ, बाडखोला मुस्लिम समाजका पूर्व अध्यक्ष हाजि सेर अलिमियाँले आ आफ्ना धारणा सहित लाछा डोरीको उपयोगीताका बारेमा बोल्नु भएको थियो ।
मुस्लिम समाज बाडखोलाका वरिष्ठ उपाध्यक्ष शाह खालिद मियाको अध्यक्षतामा सम्पन्न कार्यक्रममा सहसचिव अमिर आलमले स्वागत एवं सचिव अलि महोमदले संचालन गर्नुभएको थियो । सो तालिम नुरी इस्लामिक मदरसा प्राङ्गण वाडखोलामा गरिने भएको छ ।