स्याङ्जा ७ बैशाख । मोटरसाइकल चोरी गरेको आरोपमा २ जनालाई प्रहरीले पक्राउ गरेको छ ।
पुतलीबजार नगरपालिका ३ ढडुवामा आफ्नै घर अगाडी पार्किङ गरी राखेको कालो सिल्भर रङको ग. २४ प. ६९१२ नम्बरको २२० एफ पल्सर मोटरसाईकल सहित कास्की पोखराका २ जना पक्राउ परेका हुन ।
पक्राउ पर्नेमा पोखरा महानगरपालिका २३ पुम्दीभुम्दीका २९ बर्षे जितु बिक र पोखरा २२ घाँटीछिनाका १९ बर्षिय राम सुनार रहेको प्रहरी नायब उपरीक्षक हरिप्रसाद पौडेलले जानकारी दिनुभयो ।
ढडुवाका दिपकचन्द्र गोैतमले आफनै घरमा पार्किङ्गरि राखेको मोटरसाइकल बिहीवार रातको १० बजेदेखि हराएको भन्द्र प्रहरीलाई खोजतलासका लागि निवेदन दिनुभएको थियो ।
अस्थायी प्रहरी पोष्ट मट्टीखान स्याङ्जाबाट खटिएको प्रहरी टोलीले शुक्रवार साँझ ७ बजे फेदिखोला गाउँपालिका १ नैखु अयरपानीबाट हराएको मोटरसाईकल विक र सुनारलाई नियन्त्रणमा लिएको प्रहरीको भनाई छ ।
दुबैजनालाई चोरी सम्बन्धी मुद्धा दर्ता गरी आइतवार अदालतबाट ५ दिनको म्याद थपगरि अनुसन्धान अघि बढाएको प्रनाउ पौडेलले जानकारी दिनुभयो ।