स्याङ्जा १ साउन । प्रगतीनगर —बहाकोट—नाम्चे— काल्खु मोटरबाटो उपभोक्ता समितिले निर्माण कम्पनी सहित प्राबिधिक तथा कर्मचारीलाई सम्मान गरेको छ ।
पुतलीबजार नगरपालिका ३ स्थित गेमडाडामा आयोजित सम्मान कार्यक्रममा सडक निर्माणमा सहयोग पुरयाउनु हुने झण्डै एक दर्जनजति प्राबिधिक तथा कर्मचारीलाई सम्मान गरिएको हो । उहाँहरुलाई उपभोक्ता समितिका अध्यक्ष लगायत पदाधिकारी सहित सल्लाहकारहरुले सम्मानपत्र, खादा, मालाले सम्मान गर्नुभएको हो ।
सम्मान कार्यक्रममा इन्जिनियर द्धय नरनाथ पौडेल र जलेन्द्र यादव, स्थानीय उपभोक्ताहरु ओमप्रकाश शर्मा, किसान गुरुङ, बिष्णुप्रसाद पराजुली, कमला मरासिनी, बसन्त थापा, निलबहादुर शाही, कला शाही लगायतले बाटो पीच निर्माण कार्य सम्पन्न भए पनि अझ केही काम बाँकी रहेको जनाउदै नगरपालिकालाई हस्तान्तरण नगरुन्जेलसम्म ती कामहरु सम्पन्न गर्न सुझाव दिनुभयो ।
निर्माण कम्पनीले एक बषपछि हस्तान्तरण गर्ने समय सिमा रहेको छ । सो अवधिका उपभोक्ता समितिका अध्यक्ष भक्तबहादुर मल्लको अध्यक्षतामा सम्पन्न कार्यक्रममा उपाध्यक्ष रामबहादुर थापाले स्वागत एवं सविच अनन्तराज मरासिनीले संचालन गर्नुभएको थियो ।
बाटो निर्माणपछि पुतलीबजार र तनहुँको दुलेगौडासंग सहज जोडिने भएको छ । यसबाट पुतलीबजार नगरपालिकाका वडा नं ३, ८, ९ का स्थानीयबासी प्रत्यक्ष लाभान्वित भएका छन ।
प्रगतीनगर शिक्षा चोकदेखि काँफलडाँडा — भन्ज्याङ— बहाकोट— नाम्चे— काल्खुसम्म ७ दशमलब ६ किलोमीटर लम्बाईमा पक्की सडक सहित नाली र टेवा पर्खाल सहित दुई लेनको सडकको चौडा ७ मिटरको छ ।
विश्व बैंकको ४३ करोड १८ लाखको लागतमा निर्माण गरिने पक्की सडक १५ महिनामा काम सकिएको छ । विश्व बैंकको आर्थिक सहयोग तथा पुतलीबजार नगरपालिकाको प्राबिधिक सहयोगमा सडक धुलाम्मे सडक पक्की बनाइएको हो ।