स्याङ्जा ३ कात्तिक । कागजपत्र नभएका र ध्वनी प्रदूषण मच्चाउँदै चर्को आवाजमा चलाइएका मोटरसाइकल प्रहरीले नियन्त्रणमा लिएको छ ।
स्थानीय बासिन्दाको गुनासोका आधारमा वडा प्रहरी कार्यालय वालिङ र अस्थायी ट्राफिक प्रहरी पोष्ट वालिङबाट खटिएको संयुक्त प्रहरी टोलीले सोमबार वालिङ बजारका विभिन्न स्थानबाट ४ मोटरसाइकललाई नियन्त्रणमा लिएको प्रहरी नायब उपरीक्षक प्रसन्नराज चौधरीले जानकारी दिनुभयो ।
ध्वनी प्रदूषण हुने गरी चर्को आवाजमा चलाइएका ग १२ प ५६६८ र ग १५ प २४०० नम्बरका मोटरसाइकल हुन । यसैगरी, कागजपत्र नभएका ग १६ प ८२३९ र लु ७६ प ७३२३ नम्बरका मोटरसाइकल रहेकोे प्रहरीले जनाएको छ । ती साधन प्रहरीले नियन्त्रणमालिई आवश्यक कानूनी कारवाही अघि बढाएको जनाएको छ ।