स्याङ्जा १७ फागुन । ‘मेरो दुश्मन छन् धेरै, दुश्मन हेरेको हे¥यै…..’ बोलको गीत गाउँदै स्टेजमा पुग्नु भएका युवा गायक दुर्गेश थापाले महोत्सवमा आएका हजारौं दर्शकका मन जित्न सफल हुनु भएको छ ।
हेलिकोप्टर चढेर शनिवार सातौं स्याङ्जा महोत्सवमा आउनु भएका थापाले ‘नाच्नु पर्छ बीच बीचमा…..’, ‘कि दुर्गेश रेलमा कि दुर्गेश जेलमा….’ लगायतका गीत गाउदै दर्शकलाई पनि नचाउनु भएको थियो ।
स्टेजबाट दुर्गेशले यो ‘मेरो दुश्मन छन् धेरै, दुश्मन हेरेको हे¥यै…..’ गीत गाउदै गर्दा दशर्कबृन्दबाट पनि दुर्गेशलाई हेरेको हेरै भएका थिए । सांगितिक रमझममा गायक दुर्गेशसंगै दर्शक पनि रमाएका थिए । दुबैतर्फबाट हेरेको हेर्रै भएका थिए ।
केही दर्शक स्टेजसम्म उक्लेर थापासंगै नाच्ने र गाउने गरेका थिए । बालबालिकादेखि युवासम्मको मन जित्न सफल थापाले ‘बम बम भोले भोले…’, ‘यहाँ रीसको बेलामा….’, लगायतका धेरै गीत गाएर महोत्सवलाई रमणीय एवं मनोरञ्जन दिन उहाँ सफल हुनुभयो ।
गायक थापाले महोत्सवमा आयोजक तथा दर्शकलाई हेरेको हे¥यै बनाउन सफल हुनुभयो । थोरै समयको बसाईमा पनि धेरैको मन जित्दै उहाँ फर्किनुभयो ।
शनिवार मात्र १५ हजार दर्शकले महोत्सव अवलोकन गरेको स्याङ्जा जिल्ला उद्योग वाणिज्य संघका अध्यक्ष महादेव श्रेष्ठले जानकारी दिनुभयो । उहाँका अनुसार महोत्सव समापन हुनुपूर्व झण्डै ७० हजार दर्शकले महोत्सवको अवलोकन गरिसकेका छन ।
सांस्कृतिक कार्यक्रम मात्र नभई रेष्टुरेन्ट, फेन्सि पसल, अन्य पसल र उद्यम सम्बन्धी सामाग्रीका पसलमा समेत मानिसहरु खचाखच भरिएका थिए ।
फागुन ६ गतेदेखि जारी महोत्सबमा राष्ट्रियदेखि स्थानीय स्तरसम्म ख्याती कमाएका ३ झण्डै ३ दर्जन कलाकारले आ आफना बिभिन्न कलाकारिता प्रस्तुत गर्दे महोत्सव सफल सहयोग पुरयाएको संघका महासचिव रविन केसीले जानकारी दिनुभयो ।
फागुन ६ गतेदेखि संचालित महोत्सव १८ गते आइतवार औपचारिक कार्यक्रमगरि समापन गरिने संघका वरिष्ट उपाध्यक्ष भिमकुमार श्रेष्ठले जानकारी दिनुभयो ।
महोत्सव अवधिभर सांस्कृतिक कार्यक्रम संयोजक एवं गायक घनश्याम रिजालले कार्यक्रम संचालनसंगै दिनहुँ गायन र कार्यक्रम प्रस्तोता विक्रम परियारले कार्यक्रम संचालन गर्दे आउनु भएको छ ।
