स्याङ्जा १८ असार । लागू पदार्थ सेवन (लापसे) र मादक पदार्थ सेवन (मापसे) गरीसवारी साधन चलाउने ४ जना प्रहरी नियन्त्रणमा छन ।
एक एम्बुलेन्सका चालक सहित ३ सार्वजनिक तथा निजी सवारी चालकलाई प्रहरीले नियन्त्रणमा लिई अनुसन्धान जारी राखेको प्रहरी उपरीक्षक दधिराम न्यौपानेले जानकारी गराउनुभयो ।
नियन्त्रणमा रहेका मध्ये ३ जनाले लापसेगरी र एक जनाले मापसेगरि सवारी साधन चलाईरहको अवस्थामा भेटिएको प्रहरीको भनाई छ ।
प्रहरीका अनुुसार, ‘पर्बत पैयु गाउँपालिका बस्ने वर्ष २३ बर्षिय ग.२३प.६९ नम्बरको मोटरसाईकल चालक को हिमाल सेन ठकुरी, बाँके राप्ती सोनारी गाउँपालिका घर भई हाल वालिङ बस्ने लु.१ ह. १७३९ नम्बरको अटो चालक २४ बर्षिय दिपक घती, वालिङ बस्ने लु. ७० प. ४६३७ नम्बरको मोटरसाईकल चालक ४७ बर्षिय दिपक सुनारले लापसेगरि सवारी चालाएका हुन । यसैगरी, ग.२ च. ५६८४ नम्बरको एम्बुलेन्स चालक आधिखोला गाउँपालिका बस्ने वर्ष ४८ को धनश्याम पौडेलले मापसेगरि सवारी चालाएका हुन ।’
सिद्धार्थ राजमार्ग भै गुडिरहेका वालिङ नगरपालिका १ रामबाच्छा गरिएको चेकजाँचका क्रममा ३ जना चालक लापसे गरेको अवस्थामा भेटिएको प्रहरीले जनाएको छ ।
एम्बुलेन्स चालकले समेत मापसेगरी एम्बुलेन्स चलाएको पुष्टिभएपछि जिल्ला प्रशासन कार्यालय स्याङ्जाले आइतवार १० दिनको म्याद थप अनुमति लिई वडा प्रहरी कार्यालय वालिङबाट कारवाही अगाडी बढाईएको प्रहरीले जनाएको छ ।
सुरक्षित र मर्यादित सवारी यात्रा बनाउने उद्देश्यले स्याङ्जा प्रहरीले जेठ महिनादेखि लापसे र मापसे अभियान जारी राखेको छ। अभियानकै क्रममा झण्डै दर्जन चालक पक्राउ परिसकेका छन्।