स्याङ्जा १८ माघ । संघिय सांसद राजु थापाले मानवीय सेवामा सर्मपित संस्था रेडक्रसले मानवीय सेवा र उद्धारमा अतुलनीय योगदान पुरयाउदै आएको बताउनुभयो ।
जिल्ला रेडक्रस सासाइटी स्याङ्जा शाखाको ४० औं बार्षिक सधारणसभा तथा अधिवेसनको उदघाटन गर्दै सांसद थापाले सो कुरा बताउनुभएको हो । दैवी प्रकोप र विपत्तीका समयमा रेडक्रसकर्मीका महत्वपूर्ण जिम्मेवारी देखिदै आएकोमा जोड दिनुभयो।
जिल्ला रेडक्रस शाखाले विपत सहयोग कोष स्थापना गरेमा विपत्तीका बेला छिटो छरितो र तत्काल सहयोग पुरयाउन सहयोग पुग्नेमा उहाको भनाई छ ।
पुतलीबजार नगरप्रमुख तुलसीराम रेग्मी, बिरुवा गाउँपालिकाका अध्यक्ष सुर्यबहादुर कुँवर, प्रजिअ सुनिता नेपाल, रेडक्रस सोसाइटी केन्द्रीय सदस्य हिरा शर्मा, काँग्रेस कावा सभापति केदार काफ्ले, नेकपा एमाले अध्यक्ष सुर्यप्रसाद गैह्रे (पारस), निर्वाचन अधिकृत एवं गण्डकी प्रदेश सचिव रामदत्त पौडेल, गल्याङ शाखा प्रतिनिधि दवेन्द्रदेव खनाल, आधीखोला प्रतिनिधि शान्ता थापा लगायतले शुभकामना मन्तब्य ब्यक्त गर्नुभएको थियो ।
अध्यक्ष दिनेश अर्याल, मन्त्री रामचन्द्र अर्याल र कोषाध्यक्ष महेशबहादुर थापा (गणेश)ले आ आफना प्रतिवेदन प्रस्तुत गर्नु भएको थियो ।
सोही कार्यक्रममा संस्थापक सदस्य भोलानाथ लम्साललाई सम्मान गरिएको थियो । रेडक्रसकर्मी भै समाजसेवामा पुरयाएको योगदानको कदर गर्दे उहालाई सम्मान गरिएको हो ।
जिल्ला सभापति दिनेश अर्यालको अध्यक्षतामा सम्पन्न कार्यक्रममा उपसभापति लक्ष्मी थापाले स्वागत एवं उपमन्त्री खगेन्द्रप्रसाद अर्यालले संचालन गर्नुभएको थियो ।
सभामा जिल्ला शाखासंगै ४० उपशाखाबाट छनौट भई आएका प्रतिनिधिहरुको सहभागिता थियो ।