स्याङजा ५ माघ । स्याङ्जा जिल्ला उधोग वाणिज्य संघद्धारा आयोजित सातौ स्याङ्जा महोत्सव स्थल अपांगमैत्री बनाईने भएको छ ।
अपागता भएका व्याक्ति तथा अभिभावकहरुको प्रत्यक्ष नेतृत्व तथा संलग्नतामा स्थापित भई निरन्तर कृयाशिल सामाजिक संस्था अपागता सशक्तीकरण तथा सामुदायिक विकास केन्द्रको विशेष अनुरोधमा अपागता भएका व्यक्तिहरुको सहजताका लागि अपागतामैत्री बनाईने भएको हो ।
परिचय पत्रका आधारमा निशुल्क प्रवेश, प्रवेशद्वारमा छुट्टै प्रवेशको संरचना , महोत्सवको मुख्य स्थल स्टेजमा अशक्त ,अपागता भएका व्याक्तिहरुका लागि छुट्टै उपयुक्त वसाई व्यवस्थापन ,अपांगता भएका कलाकारहरुलाई प्रतिभा प्रदर्शनमा प्राथमिकता लगायतका कार्य गरिने स्याङ्जा जिल्ला उधोग वाणिज्य संघका अध्यक्ष महादेव श्रेष्ठले वताउनुभयो।
त्यस्तै अपागता भएका व्याक्तिहरुको सहजीकरण का लागि अपागता अधिकारकर्मी एवं अपागता सशक्तीकरण तथा सामुदायिक विकास केन्द्र स्याङ्जाका अध्यक्ष युवराज पराजुली को संयोजकत्वमा १९ सदस्यीय उपसमिति गठन गरिएको छ ।
अपागता सम्वन्धि सचेतता सामाग्री प्रर्दशनी को लागि स्टलको व्यवस्थापन सहित सामाजिक उतरदायित्व तर्फबाट यो वर्गका लागि विशेष योजना वनाउने सोच रहेको स्याङ्जा जिल्ला उधोग वाणिाज्य संघका महासचिव रविन केसीले वताउनुभयो।
सातौ स्याङ्जा महोत्सव सबैको गौरवको विषय भएकोले शारीरिक समस्या एव सिमितता युक्त अपागता भएका व्याक्तिहरुको सहज सहभागीता सुनिश्चितता का लागि आफ्नो संस्थाले गरेको आग्रहलाई सहज रुपमा स्विकार्दै उपयुुक्त अनुकूलता को व्यवस्थापन गरेकोमा सवै अपागता भएका व्याक्तिहरु खुशी हुनुका साथै सचेतता अभिवृद्धि , सामाजिक ,सास्कृतिक एव मनोरञ्जनात्मक कृयाकलापमा सहभागी हुने अधिकार स्थापित गर्न मद्दत पुग्ने अपागता सशक्तिकरण तथा सामुदायिक विकास केन्द्र का अध्यक्ष युवराज पराजुली ले वताउनुभयो ।
महोत्सव पुतलीबजार नगरपालिका वडा नं १ मालेवगर खेलमैदानमा फागुन ६ गतेदेखि १८ गतेसम्म संचालन हुदैछ।
