स्याङ्जा १५ चैत । आमा मिलन केन्द्र स्याङ्जाको आयोजना तथा पुतलीबजार नगरपालिका वडा नं. १ को आर्थिक सहयोगमा ७ दिने मादल बजाउन सिकाउने तालिम शुक्रवारदेखि सुरु भएको छ ।
तालिमको उदघाटन गर्दै वडाअध्यक्ष उत्तमप्रसाद श्रेष्ठले कला, संस्कृतिको संरक्षण र संरक्षण गर्ने गराउने उदेश्यले मादल बजाउन सिकाउने तालिम उपलब्ध गराएको बताउनुभयो । अध्यक्ष श्रेष्ठले तालिमको सहीसदुपयोग गर्दै आफुले सिक्ने र अरुलाई पनि सिकाउन सुुझाव दिनुभयो ।
तालिमले महिलाहरुको सीप, क्षमता र दक्षता बृद्धि हुने उहाले भन्नुभयो । कार्यक्रममा पत्रकार भवानी अधिकारी, आमा मिलन केन्द्रका पूर्वअध्यक्ष राधा अर्याल लगायतले मादलका सामाजिक तथा सांस्कृतिक महत्वका बारेमा जानकारी गराउनुभयो ।
आमा मिलन केन्द्रका अध्यक्ष सुनिता पौडेलको अध्यक्षतामा सम्पन्न कार्यक्रमको संचालन सहसचिव देवी अधिकारीले गर्नुभएको थियो ।
वडा नं. १ अन्र्तगत २८ वटा टोल विकास संस्थाका २\२ जना महिलागरी ५६ जना सहभागि रहेको सो तालिममा बिनोद घताने र बिजय विश्वकर्माले प्रशिक्षण दिदै आएका छन् ।