स्याङ्जा १४ फागुन । राष्ट्रिय मगर एकता दिवस पारेर स्याङ्जाका ८ पालिकाले सार्वजनिक बिदा दिएका छन् । यहाँका ११ वटा पालिकामध्ये ४३ औं राष्ट्रिय मगर एकता दिवसका अवसरमा यहाँका ८ वटा पालिकाले फागुन १५ गते सार्वजनिक बिदा दिएका हुन् ।
पाँच नगरपालिका र छ गाउँपालिका रहेकोमा सार्वजनिक बिदा दिनेमा ५ वटा नगरपालिका र ३ गाउँपालिकाले सार्वजनिक बिदा दिने निर्णय गरेको छ । विदा दिनेमा पुतलीबजार, भीरकोट, वालिङ, गल्याङ् र चापाकोट नगरिपालिका हुन ।
यसैगरी, गाउँपालिकातर्फ कालीगण्डकी, बिरुवा र हरिनासले पनि विदा घोषणा गरेका छन् । तर, अर्जुनचौपारी, आँधीखोला र फेदिखोलामा भने विदा दिइएको छैंन ।
मगर जातीको बाहुल्यता रहेको जनाउदै उहाँहरुका कला, संस्कृति संरक्षणका लागि भन्दै सार्वजनिक बिदा दिइएको सम्बन्धित पालिकाहरुले सार्वजनिक सूचना जारी गर्दे जानकारी गराएका छन् ।
सबै सार्वजनिक निकायहरु पालिका कार्यालय, वडा कार्यालय, स्वास्थ्य संस्था, शैक्षिक संस्था, बैंक तथा वित्तीय संस्था लगायतका सार्वजनिक संघसंस्थामा विभिन्न मितिमा निर्णय गरेर बिदा दिने निर्णय गरेका हुन ।
यहाँका अर्जुनचौपारी गाउँपालिका, आँधीखोला गाउँपालिका र फेदीखोला गाउँपालिकाले भने मगर जातीको प्रभाव नरहेकाले बिदा नदिएको बताएका छन् ।