स्याङ्जा ११ बैशाख । लोकतन्त्र दिवस पारेर स्याङ्जा सदरमुकाम स्थित सहिदचोकमा नागरिक स्तरबाट दिप प्रज्वलन गरिएको छ ।
गैरसरकारी संस्था महासंघ स्याङजाको सक्रियतामा बिहीवार (आज) साझ मैनबत्ती बालेर दिपप्रज्वलन गरिएकोे हो ।
सोही कार्यक्रममा अर्जुनचौपारी गाउँपालिकाका अध्यक्ष प्रकाश तिवारी, नागरिक समाजका अध्यक्ष ओमप्रकाश शर्मा, गैरसरकारी संस्था महासंघका अध्यक्ष गोविन्द शर्मा लगायतले १९ औं लोकतन्त्र दिवसको शुभकामना दिदै सयौं ब्यक्तिका योगदान र बलिदानीबाट प्राप्त लोकतन्त्रको रक्षा गर्दै आमनागरिकका हक, हित र अधिकारका पक्षमा काम गर्नुपर्नेमा जोड दिनुभएको थियो ।
सोही कार्यक्रमको संचालन आपसी सहयोग केन्द्रका निर्देशक हरिप्रसाद ढकालले गर्नुभएको थियो ।सोही कार्यक्रममा गैसस महासंघमा आवद्ध केही संस्थाहरुको पनि सहभागीता थियो ।