स्याङ्जा ३ चैत । लायन्स क्लब अफ स्याङ्जा पुतलीबजारले खुल्ला रक्तदान गरेको छ ।
कार्यक्रमको उदघाटन गर्दैै लायन्स इन्टरनेशनल डिस्ट्रिक ३२५ एम नेपालका डिष्ट्रिक गर्भनर लायन चण्डीप्रसाद अर्यालले रक्तदान जीवनदान भएकाले रगतदान गरि पुण्य कमाउन आग्रह र्नुभयो । उहाँले मानवीय सेवामा समर्पित भई समाज रुपान्तरणमा महत्वपूर्ण भूमिका खेल्न समेत आह्वान गर्नुभयो ।
कार्यक्रममा ब्लड डोनेशन चिफ विष्णुप्रसाद सुवेदी, डिपार्टमेन्ट हेड लायन श्रीबहादुर गुरुङ्ग, पूर्व अध्यक्ष लोकनाथ रेग्मी, उद्योग वाणिज्य संघका अध्यक्ष महादेव श्रेष्ठ, जिएसटी कोर्डिनेटर डोलराज रेग्मी (कृष्ण) जोन चियरपर्सन पिताम्बर गौतम (प्रकाश) लगायतले मन्तव्य ब्यक्त गर्नुभएकोे थियो ।
सोही अवसर डा. वसन्त पंगेनीलाई सम्मान पत्रसहित सम्मान गरिएको थियो । लायन्स क्लव अफ पुतलीबजारका अध्यक्ष एक नारायण मरासिनीको अध्यक्षतामा सम्पन्न कार्यक्रममा द्धितीय उपाध्यक्ष रुद्र विश्वकर्माले स्वागत र सचिव नवराज शर्माले संचालन गर्नुभएको थियो ।
पुतलीबजार स्थित विपी चोकमा गरिएको रक्तदानबाट ४५ युनिट रक्त संकलन भएको कार्यक्रम संयोजक डा. वसन्त पंगेनीले जानकारी दिनुभयो ।