स्याङ्जा १४ फागुन । नियन्त्रित लागुऔषध सहित वालिङमा शंकर गुरुङ् पक्राउ परेका छन् ।
पक्राउ पर्नेमा पोखरा महानगरपालिकाका २० वर्षीय शंकर भन्ने संजोक गुरुङ रहेको प्रहरी नायव उपरीक्षक हरिप्रसाद पौडेलले जानकारी दिनुभयो ।
प्रहरी टोलीले सवारी साधनहरु चेक जाँच गर्ने क्रममा बुटवलबाट बागलुङतर्फ जाँदै गरेको ना ५ ख ६६२९ नम्बरको बसमा सवार गुरुङलाई नियन्त्रित लागुऔषसहित पक्राउ गरेको हो ।
उनको साथबाट डाईजेपाम ४५, नुर्फिन ४५, एम्पुल र फेनारागन ४५एम्पुल गरी जम्मा १३५ एम्पुल नियन्त्रित लागुऔषध बरामद गरेको सुचना अधिकारी पौडेलले जानकारी दिनुभयो । यस सम्बन्धमा प्रहरीले थप अनुसन्धान गरिरहेको जनाएको छ ।