स्याङ्जा २७ असोज । स्याङ्जा भेटेरीनरी अस्पताल तथा पशु सेवा विज्ञ केन्द्रले कृत्रिम गर्भाधानबाट जन्मेका उन्नत नश्लका पाडी तथा बाच्छी हुर्काउन प्रोत्साहन सहयोग कार्यक्रम सञ्चालन गर्दै आएको छ ।
बिगत बर्ष झै यसबर्ष पनि कार्यालयले आर्थिक वर्ष २०८२÷८३ को वार्षिक कार्यक्रम अन्तर्गत यो प्रोत्साहन सहयोग योजना ल्याइएको हो । सो कार्यक्रम अनुसार कृत्रिम गर्भाधानबाट जन्मिएका र एक वर्ष उमेर पुगेका गाईवस्तुको पाडी वा बाच्छी हुर्काइरहेका कृषकहरूले यो योजनामा सहभागि हुन सक्ने जनाएको छ ।
किसानहरुले आवश्यक कागजात सहित आवेदन दिई प्रोत्साहन रकम प्राप्त गर्न सक्ने बताइएको छ । कार्यक्रम अन्तर्गत प्रत्येक पाडी वा बाछीका लागि नगद १० हजार र प्रत्येक कृषकका लागि अधिकतम ५० हजार सम्मको प्रोत्साहन रकम उपलब्ध गराइने कार्यालय प्रमुख डा. रुपेश श्रेष्ठले जानकारी दिनुभयो ।
प्रोत्साहन रकमकालागि नेपाली नागरिकताको प्रमाणपत्र, कृत्रिम गर्भाधानको प्रमाण, पशु सेवा शाखाको सिफारिस, पाडी÷बाछीको तस्बिर लगायतका कागजात आवश्यक पर्ने केन्द्रले जनाएको छ ।
दुध उत्पादन वृद्धि गर्ने र उच्चस्तरीय गाईपालनमा कृषकलाई प्रोत्साहित गर्ने लक्ष्य सहित भेटेरीनरी अस्पताल तथा पशु सेवा विज्ञ केन्द्र स्याङ्जाले सो कार्यक्रम संचालन गरेको कार्यालय प्रमुख एवं वरिष्ठ पशु चिकित्सक डा.श्रेष्ठले जानकारी दिनुभयो ।