स्याङ्जा २२ चैत । पुतलीबजार नगरपालिका — ९ कोल्मा बराहचोैर स्थित कालभैरब मन्दिरको पुननिर्माण र अनावरण गरिएको छ ।
तत्कालिन कोल्मा पञ्चायत ७ मा जन्म भई हाल वेलायतमा बस्दै आउनु भएका क्याप्टेन बिष्णुप्रसाद गुरुङ् र उहाका पत्नी चम्पा गुरुङले मन्दिर पुननिर्माण गरेसंगै उहाहरुले नै अनावरण गर्नुभएको हो ।
आफना पुर्वजदेखि पुजाआजा गर्दै आएकोे मन्दिर मन्दिर जिर्ण बन्दै गएपछि गुरुङ्ले ब्यक्तिगत लगानीमा मन्दिर सहित पर्खाल निर्माण गर्नुभएको हो्। आधुनिक तथा सुबिधासम्पन्न मन्दिर मन्दिर निर्माणका लागि झण्डै उहाहरुले ब्यक्तिगत १७ लाख रुपैंया लगानी गरेको गुरुङ् परिवारले जनाएको छ ।
झण्डै २ सय बर्ष पुरानो मन्दिर पुननिर्माणका लागि बिष्णु र चम्पाले १६ लाख ६७ हजार ८४५ रुपैंया खर्च गरेको जनाउनुभयो । मन्दिरसंगै मन्दिर संरक्षणका लागि पर्खाल पनि लगाइएको छ ।
यस क्षेत्रकै प्रसिद्ध धार्मिक शक्तिपीठ मध्ये एक हो । ऐतिहासिक, धार्मिक तथा सांस्कृतिक महत्व बोकेको कालभैरब मन्दिर शक्तिशाली मन्दिर मानिन्छ । यहाँ मनोकामना पुरा हुने भन्दै जिल्ला भित्र र बाहिरका भक्तजनहरु समेत आउने गर्दछन । ठूलो दशै असोज÷कात्तिक र चैते दशैंका बेला यहाँ भिड थामिनसक्नु हुने गर्दछ। कोल्मा कोट पनि हो ।
पछिल्लो समय यहाँ बिभिन्न विकास निर्माणसंगै सडक संजालले छोएपछि यसक्षेत्र धार्मिक पर्यटन क्षेत्रको समेत उत्ति नै आर्कषण बढेको छ । सबै खालका सवारी साधनको पहुँच छ । गुरुङ्हरुको बाक्लो बस्ती छ यहाँ । कोल्मा बराहचौरमा रहेको कालभैरव मन्दिर अत्यन्तै सुन्दर भूमिमा स्थापित छन । यहाँ अन्य पर्यटकीय आर्कषणका केही भौतिक निर्माण सम्पन्न भएका छन भने केही निर्माणाधिन अवस्थामा छन ।
यसक्षेत्रको अध्ययन, अवलोकन तथा भ्रमणका लागि आउनेको संख्या पनि दिनप्रतिदन बढ्दो छ। अन्य समयभन्दा सानो तथा ठूलो दशैंमा भक्तजनको उल्लेख्य मेला नै लाग्ने गर्दछ । नवरात्रका पुजाआजा गरिन्छन । यी दुबै दशैंका अष्टमी र नवमीमा यहाँ भक्तजनको भीड थामिनसक्नु हुने स्थानीय समाजसेवी जीतबहादुर गुरुङ्ले जानकारी दिनुभयो ।
भैरवको पूजा गरेपछि मनले चिताएको पूरा हुने विश्वास बोकेर कालभैरव देवताको पूजा गर्न भक्तजन टाढाबाट आउँछन ्। भैरबलाइृ शिवका बिभिन्न रुपमा पुज्ने गरिन्छ । मन्दिर पुननिर्माण भएसंगै यहाँका स्थानीयबासी खुशी भएका छन ।
बेलायत जस्तो सुख र सम्पन्न देशमा पुगेका गुरुङ दम्पतीले आफनो जन्मथलोमा देखाएको सदभावप्रेमप्रति स्थानीयबासीले आभार ब्यक्त गरेका छन । दम्पतीले पनि जन्मथलोलाई विर्सन नसकिनेमा जोड दिदै मातृभूमिप्रति सबैले माया र सहयोग गर्न आग्रह गर्नुभयो ।
यसैगरी, सोही मन्दिरमा स्थानीयबासी मोतीप्रसाद गुरुङ्का पत्नी नन्दकुमारी गुरुङले ५० किलो बराबरको पित्तलको घण्टी राखिदिनुभएको छ ।
यतिवेला चैत दशैंको समय चलिरहेको छ । नवरात्र पुजा भैरहेका छन ्। असोज÷कात्तिकमा झै पूजापाठ, चण्डीपाठ, बाजागाजा बज्ने गर्छन । नेपाली चाडपर्वमा चैते दसैँको पनि अत्यन्तै महत्व छ ।
असुर शक्तिमाथि दैवीशक्तिको विजय तथा असत्यमाथि सत्यको विजयका रूपमा लिइने दशैं हिन्दुधर्मावलम्बीहरूले वर्षमा दुइ पटक मनाउने गरिन्छ । सोही अवसरलाई मध्यनजर गर्दै गुरुङ दम्पतीले पनि सुबिधासम्पन्न कालभैरब मन्दिर निर्माण गरेको जनाएका छन् ।
