स्याङजा ३ कात्तिक । कर्मचारी मिलन केन्द स्याङजाको आयोजना तथा जिल्ला प्रशासन कार्यालय स्याङ्जाको ब्यवस्थापनमा खुशी विज्ञान सम्बन्धी एक दिने योग शिविर गरिएको छ ।
पुतलीबजार नगरपालिका १ मालेबगर स्थित कभर्डहलमा आयोजित शिविरको प्रमुख जिल्ला अधिकारी सुनिता नेपालले उदघाटन गर्दै मानसिक एवं शारिरीक स्वस्थयताका लागि योग आवश्यक रहेकाले शिविर आयोजना गरिएको बताउनुभयो । योग, ध्यान र प्रणायमले जीवनलार्य सुखी र खुशी बनाउनेभा उहाले जोड दिनुभयो ।
कर्मचारी मिलन केन्द्रका अध्यक्ष माधव लम्सालको अध्यक्षतामा सम्पन्न कार्यक्रममा प्रहरी उपरीक्षक शालिकराम शर्माले स्वागत र केन्द्रका सचिव सुरेश सुवेदीले संचालन गर्नुभएको थियो ।
शिविरमा जिवन बिज्ञान प्रतिष्ठान गण्डकी प्रदेश प्रशिक्षक शंकर पोखरेल र दिपा पौडेलले प्रयोगात्मक तथा सैद्धान्तिक शिक्षा प्रदान गर्नुभएको थियो । बिहान ८ बजेदेखि साँझ ५ बजेसम्म संचालित शिविरमा २ सय ५० जना महिला तथा पुरुषको सहभागिता थियो ।
