स्याङ्जा ९ साउन ।वालिङ नगरपालिकाका ४९ बर्षिय खुमानन्द लामिछानेको मृत्यु प्रकरणमा उनका पत्नी रञ्जिता लामिछानेको संलग्नता देखिए जनाउदै प्रहरीले नियन्त्रणमा लिई अनुसन्धान जारी राखेको जनाएको छ ।
वालिङ् ८ कटेज नमुनाटोलमा २ बर्षअघि खुमानन्द लामिछानेको मृत्यु भएको थियो। वि.स. २०८० वैशाख २२ गतेका दिन खुमानन्दको मृत्यु भएको हो ।
अनुसन्धानका क्रममा उनका पत्नीकोे पनि संलग्नता हुन सक्ने जनाउदै जिल्ला अदालत स्याङ्जाबाट पक्राउ पुर्जी जारी भएको थियो ।
पक्राउ पुर्जीका आधारमा साउन ८ गते बिहीवार वडा प्रहरी कार्यालय वालिङले उनलाई वालिङमोडबाट पक्राउ गरेको छ। लुकिछिपी बसेको अवस्थामा पक्राउ गरिएको प्रहरीको भनाई छ ।
प्रहरी नियन्त्रणमा रहेकी रञ्जितालाई कर्तव्य ज्यान मुद्दामा १० दिनको म्याद थपगरि थप अनुसन्धान थालिएको प्रहरी नायब उपरीक्षक प्रसन्नराज चौधरीले जानकारी दिनुभयो ।