स्याङ्जा ५ मंसिर । खुमा अर्याल फाउण्डेसनले आईसीसी महिला यू १९ विश्वकपका लागि छनौटमा परेका स्याङ्जाका ३ खेलाडीलाई जनही १÷१ लाख सहित प्रमाणपत्रले सम्मान गरेकोे छ ।
फाउण्डेसनको छैटौ स्थापना दिवसको अवसर पारेर भीरकोट नगरपालिका ७ बलमाटामा आयोजना गरिएको बिशेषज्ञ सहितको बृहत स्वास्थ्य शिविरमा ३ खेलाडीलाई एक—एक लाख नगद, प्रमाणपत्र र दोसल्लाले सम्मान गरिएको हो ।
प्रतिनिधिसभा सांसद राजु थापा, फाउण्डेशनका संरक्षक खुमा अर्याल, डा. लुना अर्याल र अध्यक्ष लेखनाथ शर्माले तीनै जना खेलाडीलाई जनही एक÷एक लाख नगद सहित दोसल्ला र सम्मानपत्रले सम्मान गर्नुभएको हो ।
पुतलीबजार नगरपालिकाका ३ महिला खेलाडी आईसीसी महिला यू १९ विश्वकपमा पु¥याउन सफल भएको भन्दै उहाहरुको मनोवल अझै उच्च बनाउन टेवा पुग्ने उदेश्यले आफ्नो स्थापनाको दिवसमा नगद सहित प्रमाणपत्रले सम्मान गरिएको फाउण्डेशनले जनाएको छ ।
पुतलीबजार नगरपालिका १ का ज्योत्सिना मरासिनी, १३ का सीमाना के.सी. र कुसुम गोदार सहित स्याङ्जा क्रिकेट संघका अध्यक्ष दिवाकर थापालाई पनि फाउण्डेसनले सम्मान गरेको छ । विश्वकपमा सहभागी हुन पाउने खेलाडी मध्ये स्याङ्जाका ३ जना रहेका छन् ।
सम्मान गर्दै सांसद थापाले खेलका माध्यमबाट स्याङ्जालाई विश्वभर चिनाउन सफल महिला क्रिकेट खेलाडीलाई बधाई दिँदै उनीहरूलाई हौसला र उर्जा बढाउनुपर्नेमा जोड दिनुभयो । खेलाडीहरु जिल्लाका मात्र नभई राष्ट्रका गहना भएको बताउदै सांसद थापाले सरकारले खेलाडीहरुको उच्च मनोबल बढ्नेगरी काम गर्नुपर्नेमा जोड दिनुभयो ।
फाउण्डेसनले स्वास्थ्य, शिक्षा, खेलकुद, रोजगार लगायतका बिषयमा महत्वपुर्ण भुमिका खेलेको सांसद थापाले बताउनुभयो । शिक्षा, स्वास्थ्य, खेलकुद र दैवी प्रकोप लगायतका क्षेत्रमा फाउण्डेसनले सहयोग गर्दै आएको उहाले भन्नुभयो ।
कार्यक्रममा पुतलीबजार नगर उपप्रमुख देवी अर्याल, अर्जुनचौपारी गाउँपालिका अध्यक्ष प्रकाश तिवारी, फाउण्डेसनका संरक्षक खुमाप्रसाद अर्याल, डा.लुना अर्याल, गण्डकी मेडिकल कलेजका सिइओ डा.रविन्द्र श्रेष्ठ, नेपाल पत्रकार महासंघ स्याङ्जाका अध्यक्ष श्रीकृष्ण सिग्देल, फाउण्डेशन सल्लाहकार श्यामप्रसाद अर्याल लगायतका बक्ताहरुले बधाई सहितका शुभकामना मन्तब्य ब्यक्त गर्नुभएको थियो ।
फाउण्डेसनका अध्यक्ष लेखनाथ शर्माको अध्यक्षतामा सम्पन्न कार्यक्रममा उपाध्यक्ष शालिकराम अर्यालले स्वागत एवं सचिव ध्रुव शर्माले संचालन गर्नुभएको थियो ।
स्वास्थ्य शिविरमा गण्डकी मेडिकल कलेजका बिशेषज्ञ चिकित्सक सहित ५० जना स्वास्थ्यकर्मीको सहभागिता थियो । रेडक्रस सोसाइटी स्याङ्जा र गण्डकी मेडिकल कलेज पोखराको प्राविधिक सहयोगमा जनरल ओपिडी सेवा, मानसिक स्वास्थ्य सेवा, नाक कान घाँटी रोग सेवा, स्त्रीरोग सेवा, हाडजोर्नी तथा नशा रोग सेवा, दन्त रोग परिक्षण, पेट, छाती तथा मुटु रोग सेवा, प्रयोगशाला परिक्षण, इसिजी, भिडियो एक्सरे सेवा तथा फार्मेसी सेवाहरु उपलब्ध गराइएको फाउन्डेसनका सचिव धु्रव शर्माले जानकारी दिनुभयो ।
शिविरमा ५१ जनाले रक्तदान गरेको र करि ७ सय जना जनाले बिभिन्न १० प्रकारका स्वास्थ्य सेवा लिएका छन् । २०७६ सालमा स्थापित फाउण्डेशनले विभिन्न क्षेत्रमा सामाजिक उत्तरदायित्व अनुसारको काम गर्दै आएको जनाएको छ ।