स्याङ्जा ८ कात्तिक । खुमा अर्याल फाउन्डेसन स्याङ्जाको सातौं साधारणसभा शनिवार सम्पन्न भएको छ । ‘शिक्षा, स्वास्थ्य र रोजगार, खुमा अर्याल फाउण्डेसनको सरोकार’ भन्ने मुल नाराका साथ स्थाापित फाउण्डेसनले बिबिध कार्यक्रम गर्दै साधारणसभा सम्पन्न गरेको हो ।
पुतलीबजार नगरपालिका ३ स्थित सहयात्री पार्टी प्यालेसमा आयोजित सभामा बडा दशै, तिहार, नेपाल सम्बत तथा छठ पर्वका शुभकामना आदानप्रदान सहित अन्तरक्रिया गरिएको छ ।
सभाको उदघाटन गर्दे फाउन्डेसनका संस्थापक खुमाप्रसाद अर्यालले फाउन्डेसन एक परोपकारी संस्था भएको जनाउदै सामाजिक सेवामा क्रियाशिल रहने बताउनुभयो । स्याङ्जा जिल्लाका ११ वटै पालिकामा पुग्ने फाउण्डेसनको लक्ष्य रहेको जनाउदै पालिकासंग समन्वय र सहकार्य गर्दै अघि बढ्ने जानकारी गराउनुभयो ।
फाउण्डेसनका लागि स्रोतका अभाव नहुने जनाउदै आवश्यकता पहिचान गर्दे स्थानीय पालिकासंग सहकार्य गरेर अघि बढ्ने समेत संस्थापक अर्यालको भनाई छ । स्थापनाकालदेखि सामाजिक शिक्षा, स्वास्थ्य, खेलकूद लगायतका क्षेत्रमा सहयोग गर्दै आएको फाउण्डेसन राज्य नभई एक सामाजिक संस्था भएको सफल उद्यमी समेत रहनु भएका अर्यालले भन्नुभयो ।
कार्यक्रममा पुतलीबजार नगरप्रमुख तुलसीराम रेग्मी, उपप्रमुख देवी अर्याल, वालिङ्का उपप्रमुख कबिता तिवारी, अर्जुनचौपारी गाउँपालिका उपाध्यक्ष सपना गुरुङ, नागरिक समाजका अध्यक्ष ओमप्रकाश शर्मा, पत्रकार महासंघ गण्डकी प्रदेश सदस्य श्रीकृष्ण सिग्देल लगायतले फाउण्डेसनले स्याङ्जामा सकारात्मक प्रभाव पारेको जनाउदै आउदा दिनहरुमा पनि निरन्तरता दिनु पर्नेमा जोड दिनुभयो । वक्ताहरुले फाउण्डेसनसंग समन्वय र सहकार्य गर्दे अघि बढ्ने समेत प्रतिवद्धता जनाएका छन् ।
यसैगरी, चापाकोट नगरप्रमुख देवबहादुर खाँण (इश्वर), गण्डकी प्रदेश अस्पताल स्याङ्जाका प्रमुख डा. सुशिल मरासिनी, पत्रकार महासंघ स्याङ्जाका अध्यक्ष प्रदीप कोइराला, पत्रकार अमृत अर्याल, स्याङ्जा क्रिकेट संघका अध्यक्ष दिवाकर थापा लगायतले आ आफना धारणा सहितका सुझाव दिएका छन् । साधारणसभामा १२ जनालाई सँस्थागत सदस्यता प्रदान गरिएको छ ।
फाउन्डेसन अध्यक्ष लेखनाथ शर्माको अध्यक्षतामा सम्पन्न कार्यक्रममा उपाध्यक्ष शालिकराम अर्यालले स्वागत र सचिव ध्रुव शर्माले संचालन गर्नुभएको थियो ।
भीरकोट नगरपालिका ७ बलमाटामा केन्द्रिय कार्यालय रहेको फाउण्डेसन वि.सं. २०७५ मंसिर ५ गते प्रशासन कार्यालयमा दर्ता भएको हो । फाउण्डेसनले गतबर्ष बृहत स्वास्थ्य शिविर, खेलाडि सम्मान, तीजगीत प्रतियोगिता, क्यालेण्डर सहयोग, पोशाक बितरण, उपचार कक्ष स्थापना लगायतका बिबिध क्षेत्रमा काम गरेको फाउण्डेसनका अध्यक्ष शर्माले जानकारी दिनुभयो ।