स्याङ्जा ४ चैत । खुमा अर्याल फाउण्डेशन र रोटरी क्लब अफ नक्साल शक्तिले कोल्मा बराहचौर माध्यमिक बिद्यालयमा अन्तरक्रिया र बिद्यालय पोशाक बितरण गरेको छ ।
पुतलीबजार नगरपालिका ९ स्थित कोल्मामा शिशुदेखि कक्षा १२ सम्म अध्ययरत एक सय ५० जना बिद्यार्थीलाई बिद्यालय पोशाक (ट्रयाक सुट) बितरण गरिएको हो ।
सोही कार्यक्रमको शुभारम्भ गर्दे जिल्ला समन्वय समिति प्रमुख श्रीप्रसाद घर्तिले गाउँमा बसाई सर्ने क्रम बढेसंगै बिद्यार्थीका संख्या पनि घट्दै गएकोमा चिन्ता ब्यक्त गर्नुभयो । गाउँ गाउँमा बिकास र सुबिधा पुगे पनि बिभिन्न वहानामा शहर केन्द्रित बसाईले सबै क्षेत्र प्रभावित बनाएको उहाले बताउनुभयो ।
यहाँका सामुदायिक बिद्यालयमा अध्ययरत बालबालिकालाइृ लक्षित गर्दै फाउण्डेशन र रोटरी क्लवले गरेको सहयोगको प्रशंसा गर्दै न्यून आयका कारण गाउँमा बस्नेलाई सबैको सहयोग आवश्यक रहनेमा जोड दिनुभयो ।
कार्यक्रममा पुतलीबजार नगरप्रमुख तुलसीराम रेग्मीले पुतलीबजारलाई शैक्षिक हबका रुपमा विकास गर्ने लक्ष्य सहित पालिका अघि बढेको जानकारी दिनुभयो । नगरपालिकाले क्यालेण्डर बनाएरै काम गर्दै आएको जनाउदै बिद्यार्थी घटे भन्ने चिन्ता लिनु भन्दा अब कसरी गुणस्तरीय शिक्षा दिन सकिन्छ भनेर सबैले चिन्ता लिनु पर्र्नेे समय आएको जनाउनुभयो । रोटरी र फाउण्डेशनको सहयोगले गाउले परिवारलाई राहत दिलाएको जनाउदै नगरपालिकाले पनि सहयोग गर्ने बताउनुभयो ।
रोटरी क्लब अफ नक्साल शक्तिका अध्यक्ष डा. लुना अर्याल, खुमा फाउण्डेशनका अध्यक्ष लेखनाथ शमाले शिक्षा र स्वास्थ्यका क्षेत्रमा आ आफना संस्थाले काम गर्दै आएको जनाउदै आगामी दिनमा पनि यस्ता शैक्षिक कार्यक्रम तथा स्वास्थ्य सम्बन्धी कार्यलाई निरन्तरता दिईने प्रतिवद्धता जनाउनुभयो ।
बिद्यालय ब्यवस्थापन समितिका अध्यक्ष धनबहादुर भुजेलको अध्यक्षतामा सम्पन्न कार्यक्रममा प्रधानाध्यापक बिजयकुमार चौधरीले स्वागत एवं शिक्षक चण्डी सुवेदीले संचालन गर्नुभएको थियो ।
यसैगरी, सोही कार्यक्रममा माउन्ट एभरेष्टका प्रिन्सिपल युक्तनारायण अर्याल र नगर शिक्षा शाखाका शोभा बस्यालले बिद्यालयको शैक्षिक गुणस्तर बृद्धिका बारेमा जानकारी सहितका सुझाव दिनुभयो । फाउण्डेशन र रोटरी क्बलबले शैक्षिक गुणस्तर बृद्धिका लागि शिक्षक, अभिभावक, बिद्यार्थीबीच अन्र्तक्रिया गर्दै योजना तर्जुमा गर्ने जनाएको छ ।