स्याङ्जा १४ साउन । कर्मचारी मिलन केन्द्र स्याङ्जाले अमोर सेवालाई आर्थिक सहयोग गर्ने भएको छ ।
फेदीखोला गाउँपालिका १ स्थित अमोर सेवा वालगृहलाई मिलन केन्द्रका तफृबाट १ लाख ५० हजार नगद सहयोग गर्ने भएको केन्द्रका संरक्षक एवं प्रमुख जिल्ला अधिकारी ईश्वरीप्रसाद अर्यालले जानकारी दिनुभयो ।
कर्मचारी सहितको टोलीले बालगृहको अनुगमन गरेर फर्किएको जनाउदै प्रजिअ अर्यालले उपयुक्त समय निर्धारणगरि रकम हस्तान्तरण गर्ने भएका छौं प्रजिअ अर्यालले जानकारी गराउनुभयो ।
फेदीखोला १ कटुनश्वारामा रहेको सो वालगृहमा ४० जना बालबालिका बस्दै आएका छन् । बालगृहमा ससाना ३ बर्षे बालबालिकादेखि क्याम्पसतहसम्म अध्ययरत बालबालिका बस्दै आएका छन् । कमला पराजुलीले ती बालबालिकाको लालन पालन, शिक्षा दिक्षा र औषधोपचारसंगै संरक्षकत्व प्रदान गर्दै आउनुभएको छ ।
बालगृह संचालनका लागि ब्यक्तिगत, सामुहिक, बिभिन्न संघसंस्था, स्थानीय एवं प्रादेशिक सरकार लगायतले आर्थिक, जिन्सी तथा खाद्यान्न सहयोग गर्दे आएका छन् ।