स्याङ्जा १३ असार । पुतलीबजार नगरपालिकाको आर्थिक सहयोग तथा स्याङजा स्रष्टा सदनको आयोजनामा स्याङ्जाको लोक संस्कृति संरक्षणमा कलाकारको भूमिका बिषयक अन्तरक्रिया तथा प्रशिक्षण कार्यक्रम गरिएको छ ।
कार्यक्रमको उदघाटन गर्दै नगरप्रमुख तुलसीराम रेग्मीले पुतलीबजारका भाषाभाषी, कला, धर्म संस्कृति र परम्परालाई जगेर्ना र संरक्षण गर्ने बताए । गीतसंगीत, पुस्तक, लेख रचना लगायत बिभिन्न क्षेत्रबाट नगरका कलासंस्कृतिको संरक्षण र सम्बद्र्धनका लागि आउदा दिनमा पनि पालिकाको सहयोग निरन्तर रहनेमा जोड दिनुभयो ।
आँधीखोले र ज्याग्दीखोले सभ्यता र संस्कृतीलाई जोगाउन सबैले आआफनो क्षेत्रबाट सहयोग गर्नुपर्नेमा जोड दिनु भएको हो ।
कार्यक्रममा आधीखोला गाउँपालिकाका अध्यक्ष विश्वनाथ पौडेलले स्याङ्जाको कलासंस्कृती र पर्यटनलाई जोडेर अघि बढाउनु पर्नेमा जोड दिर्द आवश्यक सहयोग गर्ने बताउनुभयो ।
पुतलीबजार उपप्रमुख देवी अर्याल, प्रमुख जिल्ला अधिकारी इश्वरीप्रसाद अर्याल, लोकगायक पुरुषोत्तम न्यौपाने, निमित्त प्रशासकिय अधिकृत बाबुराम बराल, नगर बिज्ञ समितिका संयोजक भरतप्रसाद लम्साल, स्याङ्जा जिल्ला उद्योग वाणिज्य संघका पूर्वअध्यक्ष नबराज सुवेदी लगायतले कला, संस्कृति हाम्रा परम्परा र मूल्य मान्यतालाई जोगाउनु पर्ने बताउनुभयो ।
स्याङजा स्रष्टा सदनका अध्यक्ष पशुपति शर्माको अध्यक्षतामा सम्पन्न कार्यक्रममा वरिष्ठ उपाध्यक्ष शिव हमालले स्वागत एवं महासचिव घनश्याम रिजालले संचालन गर्नुभएको थियो । सोही कार्यक्रममा डा. तुलसी खनाल प्रभासले लोक संकृतिका बारेमा प्रशिक्षण दिनुभएको थियो ।
देश तथा विदेशमा समेत आफना नाम र दाम कमाउन सफल स्याङ्जाका लोकगायक, गायिकाहरु क्रमश ः पशुपति शर्मा, शिव हमाल, घनश्याम सुवेदी, माया गुरुङ, राजन के.सी., लक्ष्मण सिंह ठकुरी, शिव शर्मा र गण्डकी प्रदेशमा दोश्रो हुन सफल भएका बिनोद मानन्धर र पुतलीबजारमा प्रथम हुन सफल शीतला माविका छात्रा आकृति विकले गीत गाउनु भएको थियो । यसैगरी, अििस्मता रनपाल, सगुन थापा नृत्य प्रदर्शन गर्नुभएको थियो ।
सोही कार्यक्रममा स्याङ्जाका लोकगायक, गायिका तथा नृत्यकारहरुले आ आफना कलाकारिता प्रस्तुत गर्नुभएको थियो ।
