स्याङ्जा १८ कात्तिक । आर्थिक वर्ष २०८१÷८२ को जिल्ला स्तरीय बार्षिक समिक्षा कार्यक्रम सम्पन्न भएको छ ।
जिल्ला समन्वय समितिको आयोजनामा आयोजित समिक्षा कार्यक्रमको गण्डकी प्रदेशसभा सार्वजनिक लेखा समितिका सभापति एवं प्रदेशसभा सदस्य सुधिरकुमार पौडेलले उदघाटन गर्दे समिक्षा कार्यक्रमले आ आफना पालिकागत सिकाईको आदानप्रदान हुने बताउनुभयो । जिल्लाको विकासका लागि सबैजना सक्रिय र क्रियाशिल बन्नु पर्नेमा उनले जोड दिदै बर्तमान परिस्थितीमा पनि सबै आयोजनालाई निरन्तरता एवं पूर्णता दिन सहकार्य गर्दै अघि बढ्नु पर्ने बताउृनुभयो ।
कार्यक्रममा गण्डकी प्रदेशका पूर्वमन्त्री एवं प्रदेशसभा सदस्य द्धय पञ्चराम गुरुङ र सदस्य सीता सुन्दास, पुतलीबजार नगरप्रमुख तुलसीराम रेग्मी, फेदिखोला गाउँपालिका अध्यक्ष घनश्याम सुवेदी, सहायक प्रमुख जिल्ला अधिकारी दिपक पौडेल लगायतले शुभकामना मन्तब्य ब्यक्त गर्नुभएको थियो ।
सोही कार्यक्रममा अर्जुनचौपारी गाउँपालिकालाई सम्मान गरिएको छ । स्थानीय तह संस्थागत क्षमता स्वमूल्याङ्कन (लिसा) मा उत्कृष्ट भएको जनाउदैे अर्जुनचौपारीलाई जिल्ला समन्वय समितिले सम्मान गरेको हो ।
आर्थिक वर्ष २०८०÷८१ मा स्वमूल्याङ्कमा ८८ दशमलब ७५ प्रतिशत र बित्तिय शुशासन जोखिम मूल्याङ्कनमा ९४ प्रतिशत अंक प्राप्त गरी जिल्ला प्रथम भएको भन्दै सम्मान गरिएको हो । गाउँपालिकाका उपाध्यक्ष सपना गुरुङ र प्रमुख प्रशासकीय अधिकृत युवराज अर्याललाई सम्मानपत्रद्धारा सम्मान गरिएको हो । प्रमुख अतिथी पौडेल र समन्वय प्रमुख जिटीले सम्मान गनर््ुभएको हो ।
जिल्ला समन्वय प्रमुख श्रीप्रसाद जिटीको अध्यक्षतामा सम्पन्न कार्यक्रममा उपप्रमुख खडगराज सुवेदीले स्वागत र शाखा अधिकृत सृजना पौडेलले संचालन गर्नुभएको थियो ।
कार्यक्रममा जिल्ला स्थित ११ वटै पालिकाका प्रमुख, उपप्रमुख, अध्यक्ष, उपाध्यक्षहरु, विभिन्न सरकारी कार्यालयका प्रमुखहरू सहभागी थिए भने पालिका र बिषयगत कार्यालयले बार्षिक काम, गतिबिधि सहित आउदा कार्ययोजनाका बारेमा आ आफना बिषय एवं क्षेत्रगत प्रस्तुतीकरण गर्नुभएको थियो ।