स्याङ्जा १२ कात्तिक । इन्जिनियर हिमान्शु अर्यालको जन्मदिन पारेर मानवसेवा आश्रमलाई सहयोग गरिएको छ । खुमा अर्याल फाउन्डेसन स्याङजाको आयोजना र रोट्र्याक क्लब अफ नक्साल शक्तिको समन्वयमा मंगलबार ती कार्यक्रम गरिएका हुन ।
स्याङ्जा भीरकोट नगरपालिकाका अर्यालले आफनो २३ औं जन्मदिन पोखरा महानगरपालिका २५ हेम्जा स्थित मानव सेवा आश्रममा खाद्यान्न सामाग्री सहयोग सहित आश्रममा आश्रित ब्यक्तिहरुका निशुल्क स्वास्थ्य परिक्षण गरिएको हो ।
आश्रममा झण्डै ५० हजार मूल्य बराबरको खाद्यान्न सहयोग गरिएको र गण्डकी मेडिकल कलेजका चिकित्सकद्धारा स्वास्थ्य परीक्षण सहित निःसुल्क औषधि उपलब्ध गराइएको थियो ।
फाउण्डेशनका संस्थापक परीवार एवं रोटरी क्लब अफ नक्साल शक्तिको सस्थापक अध्यक्ष डा लुना शर्माले फाउण्डेशन र रोटट्याक क्लबका मुख्य उदेश्य भन्नु नै सामाजिक सेवा रहेको बताउनुभयो । स्वास्थ्यको सेवा र पहु्ँचबाट टाढा रहेका ब्यक्तिलाई स्वास्थ्य सेवा उपलब्ध गराउन आफुहरु बिगतदेखि नै क्रियाशिल रहेको उहाले बताउनुभयो् । आउदा दिनमा पनि यस्ता कार्यमा निरन्तर लागिरहने उहाले भन्नुभयो ।
कार्यक्रममा गन्डकी मेडिकल कलेजका फाइनान्सियल कन्ट्रोलर युबराज शर्मा, सुचना अधिकारी कृष्ण पौडेल, डा. अच्युत आचार्य, डा. ईश्वरबहादुर शाही, डा. रमेश रोकाहा, डा. बिगिसन रावत, रोटरी क्लबका सदस्य तथा पर्यटन ब्यबसायी भरत शर्मा, सिजन अर्याल, फाउन्डेसनका कोषनध्यक्ष छबिलाल अर्याल(दिपक), सहसचिब सागर पौडेल , सदस्य कमल शर्मा, कृतिका शर्मा लगायतले फाउण्डेशन र क्लबले सामाजिक सेवामा पु¥याएको सेवाको चर्चा गर्दै आउदा दिनमा पनि निरन्तरता गर्नुृ पर्ने जनाउदै शुभकामना ब्यक्त गरेका थिए ।
फाउण्डेशनका अध्यक्ष लेखनाथ शर्माको अध्यक्षतामा सम्पन्न कार्यक्रममा मानबसेवा आश्रमकी सन्चालक सन्जुले स्वागत र सुचना अभियान केन्द्रका अध्यक्ष एवं सल्लाहाकार बन्दना लम्सालले संचालन गर्नुभएको थियो ।