स्याङ्जा २३ भदौ । अन्तर्राष्ट्रिय साक्षरता दिवसका अवसरमा जिल्ला मुख्यालय स्थित त्रिभुवन आदर्श माविको नेपाल रेडक्रस जूनियर सर्कलद्धारा आयोजित जिल्ला स्तरीय हिज्जे प्रतियोगितामा आयोजक बिद्यालय त्रिभुवन आदर्श मावि प्रथम भएको छ ।
जिल्ला स्थित २० वटा माध्यमिक बिद्यालय सहभागी भएको सो प्रतियोगितामा रोशनी आवासिय मावि द्धितिय, ज्योति आवासिय मावि तृतीय भएका छन भने स्याङ्जा माविले सान्त्वना पुरस्कार पाएका छन् ।
बिजयी प्रतियोगीहरुलाई पुरस्कार एवं प्रमाण्पत्र बितरण गर्दै पुतलीबजार नगरपालिका प्रमुख तुलसीराम रेग्मीले प्रतिस्पर्धाले बिद्यार्थीमा थप मेहनत गर्ने प्रेरणा मिल्ने बताउनुभयो । नियमित पढाईलेखाइका अतिरिक्त बाह्य गतिबिधिमा अभिरुची जगाउन पनि मद्धत मिल्ने रेग्मीको कथन थियो ।
कार्यक्रममा शिक्षा विकास तथा समन्वय इकाई प्रमुख विश्वराज आयार्य, रेडक्रस सभापति दिनेश अर्याल, त्रिभुवन आर्दश मावि शिक्षक अभिभावक संघका अध्यक्ष बिष्णुकुमार श्रेष्ठ लगायतले शुभकामना मन्तब्य ब्यक्त गर्नुभएको थियो ।
जूनियर सर्कलका अध्यक्ष आयुष्मा ढकालको अध्यक्षतामा सम्पन्न कार्यक्रममा प्रधानाध्यापक एवं संरक्षक प्रेमनारायण पौडेलले स्वागत र ओजश्वी रेग्मीले संचालन गर्नुभएको थियो ।