स्याङ्जा, १८ चैत । पुतलीबजार नगरपालिका ११ को उनीयाचौर माझीगाउँ जंगलबाट सोमबार बिहान २ जना हातहतियार र मरेको रतुवा मृग सहित पक्राउ परेको प्रहरीले जनाएको छ ।
हातहतियार सहित सोही स्थानमा हतियार सहित मानिस डिहडुल गरेको गरेको भन्ने गोप्य सूचनाका आधारमा उनीहरु पक्राउ परेको प्रहरीले जनाएको छ। प्रहरी निरीक्षक प्रवेश तिवारीको कमाण्डमा गएको टोलिले उनीहरुलाई पक्राउ गरेको हो ।
पक्राउ पर्नेमा पुतलीबजार नगपालिका १० का ४४ बर्षे हर्कबहादुर गुरुङ र पुतलीबजार – ११ का ४३ बर्षे सोमबहादुर गुरुङ रहेको प्रहरी नायब उपरीक्षक हरिप्रसाद पौडेलले जानकारी दिनुभयो ।
उनीहरुबाट एकनाले भरुवा बन्दुक र मृत अवस्थामा रहेको पोथी जातको रतुवा मृग भेटिएको प्रहरीले जनाएको छ ।
स्थानीय जनप्रतिनिधिको रोहवरमा मृगको शव परिक्षणकालागि डिभिजन वन कार्यालय स्याङ्जा पठाइएको छ। पक्राउ परेका दुबै जनामाथि अनुसन्धान जारी रहेको प्रहरी भनाई छ ।