स्याङ्जा १३ भदौ । स्याङ्जा सदरमुकाममा रहेको लक्ष्मी स्मृति सामुदायिक पुस्तकालय, सामुदायिक रेडियो स्याङ्जा एफ.एम. र स्याङ्जा टेलिभिजनको संयुक्त आयोजनामा पुतलीबजार नगरपालिका स्तरीय हाजिरी जवाफ प्रतियोगिता सम्पन्न भएको छ ।
अठारौं राष्ट्रिय पुस्तकालय दिवसको अवसर पारेर पुतलीबजार नगरपालिकाको स्थानीय पाठ्यक्रममा आधारित आधारभूत बिद्यालय स्तरीय हाजिरी जवाफ प्रतियोगिताको आयोजना गरिएकोे हो ।
प्रतियोगितामा पुतलीबजार नगरपालिका ३ देवानचोक स्थित भूतपूर्व सैनिक आवासीय माविमा अध्ययनरत आरुष कार्की र मन्जु कार्कीको समूह प्रथम र पुतलीबजार नगरपालिका १ नारायणस्थान स्थित रोशनी आवासीय माविमा अध्ययनरत शिर्षक पौडेल र सुशान्त रेग्मीको समूह द्धितीय भएका छन् ।
यसैगरी, पुतलीबजार नगरपालिका ६ टक्सार स्थित हिमालय माविमा अध्ययनरत संगम पौडेल र सुगम सुवेदीको समूह तृतीय र पुतलीबजार नगरपालिका ५ पौवेगौडे स्थित शीतला माविमा अध्ययरत शिर्षा पौडेल र अनिश कार्कीको समूह सान्त्वना भएका छन् । प्रतियोगितामा आधारभूत तह अन्तर्गतका २५ बिद्यालय सहभागी थिए ।
कार्यक्रमको उदघाट्न गर्दै नगरप्रमुख तुलसीराम रेग्मीले प्रतियोगिताले बालबालिकाको प्रतिभा प्रस्फुटन हुनुका साथै आफनो नगरपालिकाको बारेमा जानकारी पाउने बताउनुभयो । नगरपालिकाले धेरै मेहनतका साथ पाठ्यक्रम तयार पारेको जानकारी दिदै रेग्मीले पुस्तकालय, रेडियो र टेलिभिजनलाई नगरपालिकाले आर्थिक सहयोग गर्दे आएको र आगामी दिनमा पनि सहयोगलाई निरन्तरता दिने प्रतिबद्धता जनाउनुभयो ।
कार्यक्रममा उपप्रमुख देवी अर्याल र प्रमुख प्रशासकीय अधिकृत धर्मराज ढुंगानाले शुभकामना मन्तब्य ब्यक्त गर्नुभएको थियो ।
पुस्तकालय, रेडियो तथा टेलिभिजन संचालक समितिका अध्यक्ष धुवबन्धु पौडेलको अध्यक्षतामा सम्पन्न कार्यक्रममा कोषाध्यक्ष चन्द्रमणी पौडेलले स्वागत र सचिव बलराम दोरंगाले संचालन गर्नुभएकाृे थियो ।
बिजयी प्रतियोगिलाई नगरप्रमुख रेग्मी र अध्यक्ष पौडेलले संयुक्तरुपमा क्रमश ५ हजार, ४ हजार, ३ हजार र २ हजार नगद सहित प्रमाणपत्र प्रदान गर्नुभयो ।