स्याङ्जा २९ चैत । अर्जुनचौपारी गाउँपालिकामा रहेको ग्रामिण स्वावलम्बन साना किसान सहकारीले शेयर सदस्यलाई वित्तिय साक्षरता तथा सहकारी शिक्षा सम्बन्धी प्रशिक्षण दिएको छ ।
चालु आर्थिक बर्षको बार्षिक नीति तथा कार्यक्रम अनुरुप शेयर सदस्यलाई प्रशिक्षण दिदै आएको हो । सहकारीले आफ्नो कार्यक्षेत्रका सहकारी शिक्षा अभियान संचालन गरेको छ । सहकारीले अर्जुनचौपारी २ खाल्टेमा स्थित समुह ६ का अन्तर समुहलाई बित्तिय साक्षरता र सहकारी शिक्षा कार्यक्रम गरेको छ ।
संस्थाका संचालक सदस्य तथा म्यादी बिमा उपसमितिका संयोजक बेलप्रसाद गुरुङ्ले बिमाको महत्व र यसको फाइदाका बिषयमा शेयर सदस्यलाई सहजिकरण गर्नुभएको थियो ।
सहकारीका प्रवन्धक काफ्लेले सहकारी शिक्षा, पशु बिमा, सुत्केरी स्याहार, मृत्यू राहत, सुलभ र सहुलियत पुर्ण ऋण सहित सहकारीले प्रदान गर्ने सेवा सुविधाका बारेमा जानकारी गराउनुभयो । कार्यक्रममा १८ समुहका ८३ जना शेयर सदस्यको सहभागि थिए ।
समुहका अध्यक्ष क्षेत्रबहादुुर रोकाको अध्यक्षतामा सम्पन्न कार्यक्रममा सहकारीका अध्यक्ष बोधराज रेग्मीको प्रमुख आथित्यतामा कार्यक्रम प्रवन्धक शालिग्राम काफ्लेले जानकारी दिनुभयो ।