स्याङ्जा २८ जेठ । अध्ययन अवलोकन सहित भ्रमण बर्षको प्रचारप्रसारमा निस्केको गोरखाका नगरप्रमुख सहित पत्रकारहरुको टोलीलाई स्याङ्जामा स्वागत गरिएको छ ।
पत्रकार महासंघ गोरखामा आबद्ध पत्रकारहरुको समूहलाई पत्रकार महासंघ स्याङ्जाले सदरमुकाममा स्वागतसंगै दुई जिल्लाबीच पत्रकारिताका अवस्था बारे आ आफना अनुभव आदान प्रदान गरिएको छ ।
पत्रकारका समूहसंग आउनु भएको गोरखा नगरप्रमुख कृष्णबहादुर राना मगरले पत्रकार विकासका साझेदार भएको बताउनुभयो । पत्रकारसंगको सहकार्य गर्दै गोरखा नगरपालिकाले बिबिध कार्यहरु गर्दै आएको बताउनुभयो । समाजका तल्लो तहसम्म पुग्ने पत्रकारहरु समाजका ऐना भएको जनाउनुभयो ।
कार्यक्रममा नेपाली कांग्रेस स्याङ्जाका कार्यवाहक सभापति केदार काफले, पत्रकार महासंघ गोरखाका अध्यक्ष नरेन्द्र ढकाल, पत्रकार महासंघ स्याङ्जाका पूर्वअध्यक्ष ओमप्रकाश शर्माले पत्रकार र पत्रकारिताका बारेमा जानकारी गराउनु् भएको थियो । पत्रकार महासंघ स्याङ्जाका अध्यक्ष प्रदीप कोइरालाको अध्यक्षतामा सम्पन्न कार्यक्रमको संचालन सहसचिव रमेश गोदारले गर्नुभएको थियो ।
गोरखा भ्रमण पर्यटन बर्ष २०२५ को प्रचारप्रसार गर्दै समेत सुदुरपश्चिम सम्मको यात्रामा निस्किएको महासंघको भ्रमण टोलीले स्याङ्जाबासीलाई निम्तो समेत गरेको गरेको हो ।
