स्याङजा १३ चैत । घरेलु तथा साना उद्योग महासंघ स्याङजाको १३ औं अधिवेशनले मित्रबन्धु पोखरेलको अध्यक्षतामा ११ सदस्यीय कार्यसमिति निर्विरोध निर्वाचित गरेको छ ।
वरिष्ट उपाध्यक्षमा मेघ प्रनेश, उपाध्यक्ष नरबहादुर गुरुङ, महिला उपाध्यक्षमा कल्पना लम्साल, सचिव बलबहादुर गोदार, कोषाध्यक्ष हरिप्रसाद अर्याल चयन हुनु भएको छ । सदस्यहरुमा अच्यूतप्रसाद पोखरेल, डिल्लीराम शर्मा, विजय सुनाम, चन्द्रकला राना, प्रेम हमाल निर्वाचित हुनु भएको छ ।
यसैगरी, महिला उद्यमी समितितर्फ चन्द्रकला रानाको अध्यक्षतामा समिति चयन भएको निर्वाचन समितिले जनाएको छ ।
अधिबेशनको उदघाटन गर्दै घरेलु तथा साना उद्योग महासंघका केन्द्रिय उपाध्यक्ष शोभा गुरुङले सबै उद्योग ब्यवसायी एकजुट भएर आपना ब्यवसायमा लाग्नु पर्नेमा जोड दिनुभयो ।
कार्यक्रममा केन्द्रिय उपाध्यक्ष हरिहर थापा, गण्डकी प्रदेशका महासचिव महाप्रसाद सुवेदी, कोषाध्यक्ष देवेन्द्रकुमार श्रेष्ठ, महिला उद्यमी समूहका केन्द्रिय सदस्य लक्ष्मी प्रधान, च्याम्बर अफ कमर्श स्याङ्जाका अध्यक्ष लोकनाथ रेग्मी, महासंघ स्याङ्जाका पूर्व अध्यक्ष रविन्द्रप्रसाद श्रेष्ठ र सल्लाहकार अनन्तकुमार श्रेष्ठ लगायतले शुभकामना मन्तब्य ब्यक्त गर्नुभएको थियो ।
यसैगरी, सोही कार्यक्रममा महासंघका पुर्ब अध्यक्ष रबिन्द्र श्रेष्ठ र पाईलट कोर्ष पूरा गर्नुभएका आर्या श्रेष्ठलाई सम्मान गरिएको थियो । आर्या श्रेष्ठ उद्ममी देबेन्द्र कुमार श्रेष्ठका नातिनी हुनुहुन्छ ।
महासंघका अध्यक्ष संघ ताम्राकारको अध्यक्षतामा सम्पन्न कार्यक्रममा वरिष्ट उपाध्यक्ष मित्रबन्धु पोखरेलले स्वागत एवं सचिव मेघ प्रनेशले संचालन गर्नुभएको थियो ।