स्याङ्जा १७ असोज । भीरकोट नगरपालिका वडा नं. १ कन्साइन्स आवसीय माध्यमिक विद्यालयमा अध्ययन गर्दै आएका घाईते बालकलाई आर्थिक सहयोग प्रदान गरिएको छ ।
विद्यालयमा एलकेजीमा अध्ययरत किरण परियारलाई आर्थिक सहयोग गरिएको हो । घरमा खेल्ने क्रममा साउन १३ गते बार्दलीबाट खसेर घाईते भई टाउकोको अप्रेसन गरेका किरणलाई १ लाख ३ हजार ५ रूपैयाँ आर्थिक सहयोग गरिएको शिक्षक माधवप्रसाद रेग्मीले बताउनुभयो ।
किरणको घरको आर्थिक अवस्था कमजोर भएपछि विद्यालयका शिक्षक माधव प्रसाद रेग्मीको पहलमा आर्थिक संकलन अभियान सुरु गरिएको थियो । दुई महिनाको अवधिमा जम्मा भएको रकम एक कार्यक्रमको आयोजना गरि हजुरबुबा प्रेम बहादुर परिवारलाई हस्तान्तरण गरिएको थियो ।
किरणको उपचारको लागी देश तथा विदेशबाट विभिन्न व्यक्तिहरुबाट सहयोग रकम उपलब्ध भएको छ । बालकको शिघ्र स्वास्थ्य लाभको कामना गर्दै उहाका अभिभावकलाई सो रकम हस्तान्तरण गरिएको हो ।विद्यालयका सम्पूर्ण शिक्षक – शिक्षिकाहरूको उपस्थितिमा सो रकम हस्तान्तरण गरिएको हो ।
विद्यालयका प्रधानाध्यापक साजन परियारले समाजमा एकले अर्कोलाई दुख पर्दा यस्तै किसिमका सामाजिक काम गर्दै अगाडि बढ्नुपर्ने बताउनुभयो । सहयोग वितरण कार्यक्रमको संचालन विद्यालयका शिक्षक भोलाराम अर्यालले गर्नुभएको थियो ।