स्याङ्जा १६ फागुन । पछिल्लो समय निकै हिट बनेको गीत ‘दुश्मन हेरेको हेरै’, र केही बर्षअघि ‘हामी पनि नाच्नुपर्छ बिच्चबिच्चमा’ जस्ता दर्जनौ लोकप्रिय गीतहरुमा स्वर भर्नु भएका गायक दुर्गेश थापाले फागनु १७ गते शनिवार स्याङ्जा महोत्सवमा आफनो कला प्रस्तुत गर्नुहुने भएको छ ।
दर्शक तथा जिल्लाबासीका माग बमोजिम दुर्गेश थापालाई सातौं स्याङ्जा महोत्सवमा ल्याईने भएको आयोजक स्याङ्जा जिल्ला उद्योग वाणिज्य संघ स्याङ्जाले जनाएको छ ।
पुतलीबजार नगरपालिका १ मालेबगर खेलमैदानमा फागुन ६ गतेदेखि सुरु भएको महोत्सव समापनको अघिल्लो दिन लोकप्रिय गायक दुर्गेशलाई आयोजकले हेलिकोप्टर मार्फत स्याङ्जा ल्याउने भएको अध्यक्ष महादेब श्रेष्ठले जानकारी दिनुभयो ।
अध्यक्ष श्रेष्ठका अनुसार, ‘गायक दुर्गेश थापा पोखराबाट स्याङ्जा हुदैं अर्घाखाँचीमा जारी महोत्सवमा सहभागी हुने, त्यसपछि पुनः स्याङ्जा आउने कार्यक्रम तय भएको छ । पोखराबाट अर्घाखाँची जादै गर्दा थापाले स्याङ्जा महोत्सव स्थलमा पुष्पबृष्टि गरेर जाने र हेलिकोप्टरबाटै अर्घाखाँचीबाट स्याङ्जा आउने तयारी भएको छ ।’
अर्घाखाँची र स्याङ्जाका दुबै महोत्सवमा सहभागी हुनका लागि हेलिकप्टरको उपयोग गरिएको महासचिव रविन केसीले बताउनुभयो ।
त्यसो त, स्याङ्जा महोत्सबमा मान्छे नै आएनन, यस्तो भो, उस्तो भो, भन्नेहरुको लागि स्याङ्जा जिल्ला उधोग बाणिज्य संघले राम्रा कलाकारमा लगानी गर्न डराउदैनन भनी टिप्पणीकारलाई गतीलै झड्का दिएको भन्नुहुन्छ स्याङ्जा महोत्सवका सांस्कृतिक कार्यक्रम संयोजक लोकगायक घनश्याम रिजाल ।
यसैगरी, शनिवारका दिन गायकहरु राजन कार्की, मोहन खडका, बन्दना खडका, संगीता थापा, लक्ष्मण सिंह ठकुरी लगायतले महोत्सवमा आ आफना कलाकारिता प्रस्तुत गर्ने भएका छन ।
